ខ្សែប្រយុទ្ធ Edinson Cavani មានបំណងចង់ចាកចេញពីក្រុម Manchester United ហើយនៅពេលចប់រដូវកាលនេះ ដើម្បីបានទៅលេងនៅលីគនៅតំបន់អាមេរិកឡាទីនវិញ។
ជាមួយការមកលេងនៅអង់គ្លេស១រដូវកាលនេះ Cavani ហាក់មិនសប្បាយចិត្តនោះទេ។ ខណៈដែលការបន្ដកុងត្រាថ្មីនៅទឹកដី Old Trafford ក៏មិនទាន់មានដំណឹងអ្វីថ្មីផងដែរ។ តែអ្វីដែលគួរឱ្យចាប់អារម្មណ៍នោះគឺ មានប្រភពមួយចំនួនថារូបគេនឹងចេញពីក្រុមបិសាចក្រហមហើយ ដោយចង់ទៅលេងនៅលីគតំបន់អាមេរិកឡាទីនវិញ។ ដោយនោះទីនោះ មានគ្រូបង្វឹកសញ្ជាតិអ៊ុយរុយហ្គាយច្រើន ហើយរូបគេចង់ធ្វើការជាមួយគ្រូរួមសញ្ជាតិ។
កីឡាករវ័យ៣៤ឆ្នាំខាងលើនេះ កំពុងមានទំនាក់ទំនងថានឹងអាចទៅលេងឱ្យក្រុម Boca Junior តែមិនទាន់ប្រាកដច្បាស់ឡើយ ដោយត្រូវរង់ចាំដល់ចប់រដូវកាលនេះសិនទើបដឹងច្បាស់៕
ប្រភព៖ DailyMail