ក្រុមលេខ១លើលោក បែលហ្សិក លេងបានត្រឹមស្មើជាមួយក្រុមសាធារណរដ្ឋឆែកក្នុងលទ្ធផល ១-១ ប៉ុណ្ណោះសម្រាប់ការប្រកួតជម្រុះ World Cup 2022នៅយប់មិញនេះ។
ឆែកលេងជម្រុះ World Cup នេះបានល្អណាស់ ដោយប្រកួតទី១កន្លងទៅពួកគេបានយកឈ្នះលើក្រុមអ៊ីស្ទូនីក្នុងលទ្ធផល ៦-២។ ខណៈដែលប្រកួតទី២នៅយប់មិញនេះទៀត ពួកគេលេងបានស្មើជាមួយក្រុមខ្លាំងបែលហ្សិកថែមទៀតក្នុងលទ្ធផល ១-១។ ដោយគ្រាប់របស់ឆែក ធ្វើបាននៅនាទី៥០ ដោយ Provod និង១គ្រាប់របស់បែលហ្សិកធ្វើបានដោយ Lukaku ។
បើតាមលទ្ធផលនេះ ការប្រកួតជម្រុះនៅពូល E ក្រុមឆែកនៅឈរលេខ១ ដោយមាន៤ពិន្ទុស្មើជាមួយក្រុមបែលហ្សិកដែរ ប៉ុន្តែមានគ្រាប់បាល់ចំណេញច្រើនជាងដល់ទៅ៤គ្រាប់ឯណោះ៕
ប្រភព៖ DailyMail