ក្លឹប Celtic កំពុងចរចាជាមួយលោក Roy Keane ដើម្បីមកដឹកនាំក្រុមបន្ដនៅរដូវកាលក្រោយ បន្ទាប់ពីលោក Neil Lennon ដឹកនាំក្រុមមិនបានល្អនៅរដូវកាលនេះ។
ក្រុម Celtic បានចែកផ្លូវគ្នាជាមួយលោក Lennon ហើយ បន្ទាប់ពីដឹកនាំក្រុមរដូវកាលនេះមិនបានល្អឡើយ ពោលគឺចាញ់ក្រុម Rangers ដែលជាម្ចាស់ជើងឯកដាច់ពិន្ទុតែម្ដង។ ក្រោយពីដំណឹងចែកផ្លូវគ្នានេះដែរ ក្រុម Celtic ក៏កំពុងស្វែងរកអ្នកចាត់ការថ្មីមកដឹកនាំក្រុមផងដែរ។ ដោយពួកគេកំពុងចរចាជាមួយលោក Roy Keane អតីតកីឡាករឆ្នើមម្នាក់របស់ក្រុមបិសាចក្រហម Manchester United ។
លោក Roy Keane វ័យ៤៩ឆ្នាំនេះ ធ្លាប់ធ្វើជាគ្រូបង្វឹក និងជំនួយការគ្រូបង្វឹកផងដែរ ក្រោយពីចូលនិវត្តន៍ពីបាល់ទាត់កន្លងមក។ ក្រុមដែលលោកធ្វើការកន្លងមកមានដូចជា Sunderland , Ipswich Town , ជម្រើសជាតិអៀរឡង់ ជំនួយការគ្រូបង្វឹកនៅក្រុម Aston Villa និង Nottingham Forest ជាដើម៕ប្រភព Dailymail
