លោក Claudio Lotito ប្រធានក្លឹប Lazio នឹងត្រូវពិន័យមិនឱ្យមើលការប្រកួត៧ខែ ហើយក្លឹបក៏ជាប់ពិន័យជាប្រាក់១៣ម៉ឺនផោនផងដែរ ចំពោះការល្មើសវិធានការកូវីដ១៩កន្លងទៅនេះ។
ការល្មើសវិន័យនេះកើតឡើងនៅខែតុលាឆ្នាំមុន បន្ទាប់ពីមានកីឡាករនៅក្នុងក្រុម Lazio ជាច្រើននាក់បានឆ្លងមេរោគកូវីដ១៩។ ដោយពួកគេ រួមទាំងប្រធានក្លឹបផងនោះ បានល្មើសជាមួយវិធានការការពាករកូវីដ១៩ ដែលធ្វើឱ្យមានការឆ្លងច្រើនក្នុងក្រុម។ មិនត្រឹមតែក្លឹបនិងប្រធានក្លឹបនោះទេ សូម្បីតែគ្រូពេទ្យប្រចាំក្លឹប២នាក់ទៀតក៏ជាប់ពិន័យដូចគ្នា ចំពោះការមិនព្រមស្ដាប់តាមសេចក្ដីណែនាំទប់ស្កាត់មេរោគកូវីដ១៩នេះ។
យ៉ាងណាមិញ ការពិន័យត្រឹមជាប្រាក់ប៉ុណ្ណោះសម្រាប់ក្រុម Lazio ដោយមិនមានការកាត់ពិន្ទុ ឬអ្វីនោះទេ៕ប្រភព Dailymail