Patrick Bamford បានអះអាងថាកីឡាករ Dembele របស់ក្រុម FC Barcelona គឺជាអ្នកគាំទ្ររបស់ក្រុម Leeds United ដែលតែងតែមើលការប្រកួតគ្រប់ទាំងអស់។
ខ្សែប្រយុទ្ធ Bamford របស់ Leeds United បាននិយាយថាអ្នកចាំទី Illan Meslier បានមកសុំអាវរបស់ខ្លួនដើម្បីយកទៅឱ្យមិត្តរួមក្រុមរបស់គេគឺ Dembele កាលពួកគេលេងនៅក្រុម U21 បារាំងទាំងអស់គ្នា។ មិនត្រឹមតែប៉ុណ្ណោះ Dembele ក៏ជាអ្នកចូលចិត្តទស្សនាការប្រកួតរបស់ក្រុម Leeds ផងដែរ ដោយសឹងតែគ្រប់ប្រកួតហើយដែលរូបគេតាមដាន។
រំលឹកថា Leeds United ជាក្រុមល្បីខ្លាំងមួយនៅអង់គ្លេស មុនពេលពួកគេធ្លាក់កូដនៅជាង១០ឆ្នាំចុងក្រោយមកនេះ។ យ៉ាងណាមិញ រដូវកាលនេះបានត្រលប់មក Premier League វិញហើយ និងសង្ឃឹមថាអាចស្វែងរកភាពខ្លាំងរបស់ខ្លួនបានវិញ។ ក្លឹបមួយនេះ មានអ្នកគាំទ្រច្រើន មិនចាញ់ក្លឹបធំៗដទៃទៀតនោះទេ៕ប្រភព Goal
