ក្រុមតោខៀវ Chelsea ចាប់ផ្ដើមស្វែងរកខ្សែប្រយុទ្ធថ្មីទៀតហើយ ក្រោយពីមានដំណឹងថាកីឡាករ Haaland មានតម្លៃខ្លួនដល់ទៅ១៥៤លានផោននោះ។
Dortmund បានប្រកាសនៅយប់មិញនេះ តម្លៃផ្ដាច់កុងត្រារបស់ Haaland គឺ១៥៤លានផោន។ ប្រសិនបើមានក្លឹបណាចង់បាន អាចបង់ផ្ដាច់តម្លៃនេះ និងអាចយកកីឡាករវ័យក្មេងខាងលើនេះទៅបានហើយ។ គ្រាន់តែទទួលបានដំណឹងនេះភ្លាមក្លឹបដែលចង់បានជាច្រើន រួមទាំង Chelsea ផងនោះ ចាប់ផ្ដើមដកថយហើយ។
ប្រភពនៅអង់គ្លេសបានបញ្ជាក់ថាក្រុមរបស់លោក Thomas Tuchel ចាប់ផ្ដើមស្វែងរកខ្សែប្រយុទ្ធថ្មី។ ដោយពួកគេបានចាប់អារម្មណ៏លើអតីតកីឡាកររបស់ខ្លួន Lukaku ទៅវិញ។ ដោយកីឡាករបែលហ្សិកខាងលើនេះ ទំនងជាមានតម្លៃទាបជាង Haaland តែសមត្ថភាពក៏ល្អមិនចាញ់កីឡាករវ័យក្មេងរបស់ន័រវេសដែរ៕ប្រភព Dailymail
