ប្រធានក្របខ័ណ្ឌកំពូលរបស់ម៉ិកស៊ីកូគឺលោក Mikel Arriola បានបង្ហាញការយល់ឃើញកាលពីពេលកន្លងទៅថាតារាឆ្នើម Lionel Messi ឬ Cristiano Ronaldo គួរតែផ្ទេរមកចូលរួមនៅលីគកំពូលអាមេរិក MLS នៅពេលខាងមុខ។
នេះជាការលើកឡើងក្រោយមានដំណឹងថាថាលីគនៅប៉ែកអាមេរិកខាងត្បូងទាំងពីរ ចង់រួមបញ្ចូលគ្នាទៅជាលីគតែមួយ ដោយរំពឹងថានឹងអាចធ្វើទៅបានក្រោយចប់ព្រឹត្តិការណ៍ World Cup ឆ្នាំ ២០២៦ ដែលមានសហរដ្ឋអាមេរិក ម៉ិកស៊ីកូ និងកាណាដាធ្វើជាម្ចាស់ផ្ទះ។
ប្រាប់ ESPN លោក Arriola និយាយ៖ “យើងនឹងក្លាយជាលីគដ៏ល្អបំផុតមួយក្នុងសកលលោក [ប្រសិនយើងរួមបញ្ចូលជាមួយ MLS] ហើយជំហានបន្ទាប់គឺគួរតែមាន Messi ឬ Cristiano Ronaldo នៅទីនេះ [ម៉ិកស៊ីកូ] ឬសហរដ្ឋអាមេរិក ប្រហែលអាចថាជាដំណើរផ្សងព្រេងចុងក្រោយនៃអាជីពរបស់ពួកគេ”។
រំឭកថាជុំវិញផែនការណ៍ចង់រួមបញ្ចូលតែមួយនៃលីគកំពូលទាំង ២ ខាងលើ ក៏ប្រធាន FIFA លោក Gianno Infantino បានបញ្ចេញមតិគាំទ្រ ថាវានឹងក្លាយជារឿងដ៏អស្ចារ្យមួយផងដែរសម្រាប់ពិភពបាល់ទាត់យើងនេះ៕
ប្រភព៖ Goal