កន្លងទៅ Gareth Bale បាននិយាយជាសាធារណៈថាក្រោយពីចប់ភារកិច្ចជាមួយ Spurs មួយរដូវកាលពេញ នោះគេនឹងវិលត្រលប់ទៅ Real Madrid វិញ ជាកន្លែងដែលសេសសល់កុងត្រាសម្រាប់គេ ១ ឆ្នាំ។
យ៉ាងណាតាមការបកស្រាយរបស់ភ្នាក់ងារលោក Jonathan Barnett ដែលជាភ្នាក់ងារផ្ទាល់ខ្លួនរបស់ Bale បានចេញមកបញ្ជាក់ថា វាជាការសម្រេចចិត្តលឿនពេកអំពីអនាគតមួយនោះ។ នេះបើតាម ESPN បានចុះផ្សាយ។
Barnett ហាក់យល់ឃើញថា Bale គិតលឿនពេកក្នុងការវិលត្រលប់ទៅ Real Madrid វិញ ដោយពាក្យនេះគេជឿថា ការសម្រេចចិត្តរបស់ Bale អាចនឹងមានការផ្លាស់ប្តូរក៏ថាបាននៅបញ្ចប់រដូវកាលខាងមុខ។
គួររំឭកថាកីឡាករសញ្ជាតិវែល គេបានផ្ទេរចេញពី Madrid មក Tottenham នៅលក្ខខណ្ឌខ្ចីជើង ដោយអនុញ្ញាតឲ្យ Real អាចចំណេញ ១៥ លានអឺរ៉ូ/រដូវកាលពីថ្លៃពលកម្មរបស់ Bale។ យ៉ាងណាការមកលេងឲ្យ Spurs ក៏ Bale ធ្វើមិនសូវបានល្អខ្លាំងនោះដែរ បែបនេះអនាគតរបស់គេបែបណាទៅមុខទៀត គឺពិតជាពិបាកនឹងថា៕
ប្រភព៖ AF