Jesse Lingard ចាប់តាំងពីផ្ទេរនៅលក្ខខណ្ឌខ្ចីជើងមកចូលរួមនៅ West Ham United គេបានបង្ហាញគុណភាពគួរឲ្យចាប់អារម្មណ៍ ដោយ ៧ ប្រកួតកីឡាករអង់គ្លេសអាចរកបានដល់ទៅ ៥ គ្រាប់និង Assist ៣ លើក ហើយក៏បានជាប់ឈ្មោះជាបេក្ខភាពកីឡាករល្អបំផុតប្រចាំខែមិនានៅ PL ថែមទៀត។
ដោយមើលឃើញពីគុណភាពដ៏ល្អ ដែលបានត្រលប់មកវិញនេះ ក្លឹបបិសាចក្រហម Man Utd ក៏ត្រូវបានគេរាយការណ៍ថា ទំនងជានឹងបន្តកុងត្រាថ្មីឲ្យបុរសវ័យ ២៨ ឆ្នាំ ឲ្យឈរជើងនៅក្លឹបរយៈពេល ៣ ឆ្នាំបន្ថែមទៀត ពោលសម្រាប់កុងត្រាដែលអស់សុពលភាពនៅឆ្នាំក្រោយ និងត្រូវបន្ថែមដល់ឆ្នាំ ២០២៥។
ការបន្តកុងត្រាថ្មីនេះ គឺដើម្បីដំឡើងថ្លៃខ្លួនរបស់ Lingard ក៏ដូចជាទាក់យកគេឲ្យមកចូលរួមក្រោមការដឹកនាំរបស់លោក Ole Gunnar Solskjaer វិញ។
យើងនឹងរង់ចាំមើលថា តើ Lingard ព្រមវិលត្រលប់ទៅវិញឬអត់ ហើយ West Ham ដែលកំពុងមានឈ្មោះប្រជែងកៅអី UEL និងឈរចំណាត់ថ្នាក់ល្អនៅ PL ហើយនោះ ព្រមអនុញ្ញាតឲ្យគេទៅបានងាយៗឬបែបណា?