ក្រុមបាល់ទាត់ជម្រើសជាតិអេស្ប៉ាញ បានត្រឹមស្មើជាមួយក្រិកក្នុងលទ្ធផល ១-១ ប៉ុណ្ណោះសម្រាប់ការប្រកួតជម្រុះ World Cup 2022 នៅយប់មិញនេះ។
ក្រុមអេស្ប៉ាញ បានបើកការនាំមុខទៅលើក្រុមក្រិកមុននៅត្រឹមនាទី៣៣ប៉ុណ្ណោះ ដោយខ្សែប្រយុទ្ធ Morata ជាអ្នករកគ្រាប់បាល់បានមុន។ យ៉ាងណាមិញ នៅតង់ទី២ Bakassetas ក៏អាចរកគ្រាប់បាល់តាមស្មើវិញបានឱ្យក្រិកហើយលទ្ធផល ១-១ នេះរក្សារហូតដល់ចប់ការប្រកួតតែម្ដង។ សម្រាប់ប្រកួតនេះដែរ Ramos ត្រូវបានប្ដូរចេញ បន្ទាប់ពីចប់តង់ទី១ ដោយមិនដឹងថារបួសឬយ៉ាងណាទេ។
សម្រាប់លោក Luis Enrique គ្រូបង្វឹកក្រុមអេស្ប៉ាញបាននិយាយក្រោយចប់ការប្រកួតថា៖
“Ramos មិនមានបញ្ហាអ្វីទេ គាត់ធម្មតា។ យើងបានប្រាប់គាត់តាំងពីមុនប្រកួតថា គាត់នឹងលេងតែ៤៥នាទីប៉ុណ្ណោះ”៕ប្រភព Marca
