ខ្សែបម្រើ N’Golo Kante បានរងរបួសអំឡុងពេលលេងឱ្យក្រុមជម្រើសជាតិបារាំង ហើយពេលនេះត្រូវបញ្ជូនមកកាន់ក្លឹប Chelsea ដើម្បីព្យាបាលវិញហើយ។
Kante បានរងរបួសសាច់ដុំ ក្នុងការប្រកួតដែលក្រុមបារាំងលេងស្មើជាមួយក្រុមអ៊ុយក្រែន កាលពីពេលកន្លងទៅនេះ។ ដោយសារតែរបួសនេះធ្ងន់ធ្ងរដែរ ទើបរូបគេតម្រូវឱ្យចេញពីក្រុមបារាំងនៅពេលនេះ ដើម្បីត្រលប់ទៅព្យាបាលនៅក្លឹប Chelsea វិញ ខណៈដែលក្រុមបារាំងត្រូវបន្ដលេង២ប្រកួតទៀត។
របួសខ្សែបម្រើម្នាក់នេះ នឹងធ្វើឱ្យក្រុមតោខៀវពិបាកចិត្តមិនខាន ព្រោះរូបគេជាកីឡាករសំខាន់ម្នាក់ក្នុងក្រុម។ លោក Thomas Tuchel មានផ្ដល់ទំនុកចិត្តណាស់លើកីឡាករបារាំងរូបនេះ ហើយរបួសសាច់ដុំនេះទៀតសោតមិនទាន់ច្បាស់ថាត្រូវសម្រាកប៉ុន្មានសប្ដាហ៍នោះទេ។ Chelsea នៅមានការប្រកួតសំខាន់ខាងមុខទៀត ជាពិសេសនៅ UEFA Champions League តែម្ដង៕ប្រភព Dailymail
