អ្នកចាត់ការលោក Ole Gunnar Solskjaer របស់ក្រុម Man Utd ត្រូវបានគេរាយការណ៍ថា បានអនុញ្ញាតឲ្យមានការបន្តកុងត្រាថ្មីរយៈពេល ៣ ឆ្នាំបន្ថែមទៀតពីលើកុងត្រាចាស់ដែលត្រូវអស់សុពលភាពត្រឹមចុងខែមិថុនាខាងមុខ។
បុរសសញ្ជាតិន័រវេសកន្លងទៅស៊ីថ្លៃ ៧,៥ លានផោន/រដូវកាល ពីបិសាចក្រហម ហើយនៅកុងត្រាថ្មីដែលចុះហត្ថលេខាថ្មីៗនេះលេចលឺថាទទួលបាន ១០ លានផោន/រដូវកាល នាំឲ្យតម្លៃសរុបមាន ៣០ លានផោន។ ក្នុងកុងត្រានោះទំនងជា កុងត្រាពេញ ២ ឆ្នាំ ហើយមានសិទ្ធបន្តរយៈពេល ១ ឆ្នាំ។
តាមរបាយការណ៍ពី The Mirror ចុះផ្សាយថា ការសម្រេចនេះធ្វើឡើងដោយនាយកជាន់ខ្ពស់លោក Ed Woodward ហើយពុំបានទាមទារថា Ole ត្រូវតែដឹកនាំក្រុមឲ្យឈ្នះពានរង្វាន់នារដូវកាលនេះអ្វីនោះទេ ពោលគឺក្លឹបគិតថាការលេងបច្ចុប្បន្នកំពុងធ្វើបានល្អហើយ។
គួររំឭកថា United កំពុងឈរលេខ ២ នៅ PL មានគម្លាត ១៤ ពិន្ទុធៀបនឹង Man City ហើយពាន UEFA Europa League ជាក្តីសង្ឃឹមសេសសល់ ដែលកំពុងស្ថិតនៅវគ្គ ៨ ក្រុមចុងក្រោយត្រូវប៉ះ Granada៕
ប្រភព៖ Metro