សហព័ន្ធកីឡាបាល់ទាត់កម្ពុជាបានប្រកាសកាលពីព្រឹកមិញនេះ អំពីបុគ្គលថ្មីដែលនឹងមកកាន់តំណែងគ្រូបង្គោលជម្រើសជាតិកម្ពុជាជំនួសលោក Felix Dalmas ខណៈលោកឈ្មោះ Ryu Hirose មានវ័យ៥៦ឆ្នាំ។
FFC មិនបានបរិយាយអំពីប្រវត្តិការងាររប់សលោកនោះទេ ខណៈដែលវេបសាយធំៗក្នុងប្រទេសកម្ពុជាមួយចំនួន បានទម្លាយអំពីប្រវត្តិដឹកនាំរបស់របស់គាត់ តែយ៉ាងណា! ការលើកឡើងទាំងន៉បានបញ្ជាក់ថាមិនទាន់ផ្លូវការណ៍១០០ភាគរយនោះដែរ ពីព្រោះ FFC ក៏មិនទាន់បានចេញសេចក្ដីថ្លែងការណាមួយនៅឡើយ។
បែបណាក្ដី! យោងតាមប្រភពវេបសាយកីឡា Knongsrok Sport បានស្រាវជ្រាវហើយរកឃើញប្រវត្តិការងាររបស់លោក ដែលធ្លាប់កាន់តំណែងជាគ្រូបង្គោលយុវជន របស់ក្លិប Guangzhou R&F F.C នៅលីគចិនពីឆ្នាំ ២០១៦ ដល់ ២០២០។
តាមជីវប្រវត្តិដែលលោកសរសេឹរក្នុងបណ្ដាញសង្គម linkedin លោកជាអតីតខ្សែបម្រើនៅក្លិប Fujita នៃប្រទេសជប៉ុន ហើយលោកមានបទពិសោធន៍បង្វឹក និងវិភាគការប្រកួត (Football Analysis)។ លោកមានសញ្ញាបត្រអនុបណ្ឌិត (Master)ពីសាកលវិឡាល័យ San Jose State University សហរដ្ឋអាមេរិក ផ្នែកចលនារាងកាយ (ជវកម្បនាវិទ្យា ) ។
គាត់ជាគ្រូបង្វឹកដែលមានបទពិសោធជាមួយនឹងធ្វើការនៅក្នុងឧស្សាហកម្មកីឡា មានជំនាញនិយាយភាសាអង់គ្លេសជាភាសាទីពីរ វិភាគការប្រកួតបាល់ទាត់( football match analysis)ជំនាញ Public Speaking និងគ្រូបង្វឹកបាល់ទាត់( Football Coaching)។ លោកមានជំនាញខាងទំនាក់ទំនងនិងសេវាសង្គម ដែលមានសញ្ញាប័ត្រអនុបណ្ឌិតពីសាកលវិទ្យាល័យ Kinesiology ពីសាកលវិទ្យាល័យ San Jose State University។
លោកកំពុងតែកាន់នូវអាជ្ញាប័ណ្ណ JFA Official S-Class License របស់ប្រទេសជប៉ុន។ លោកធ្លាប់មានតំណែងជានាយកក្រុម Teiyo University ពីកម្រិតទី៣ ដល់ ទី១ ជាអ្នកចាត់ការទូទៅនៃក្រុម Seoul Digital University និង ជាគ្រូបង្វឹករបស់ក្លិប Samut Prakan នៃលីគទីពីរថៃ ដែរបច្ចុប្បន្នក្លិបមួយនេះបានប្រម៉ូតឡើងមកកាន់លីគកំពូលថៃ។ លើសពីនេះទៅទៀត លោកជា អតីតគ្រូយុវជនក្លិបយក្សនៅចិន Guangzhou R&F ផងដែរ។