ក្រោយការវិលត្រលប់មកសង្វៀនសារជាថ្មី និងទើបតែបញ្ចប់ការប្រកួតទល់ Roy Jones Jr កាលពីខែវិច្ឆិកាឆ្នាំទៅ ទីបំផុត Mike Tyson បានប្រកាសអំពីការប្រកួតលើកទី ២ របស់ខ្លួនហើយនោះគឺនៅថ្ងៃទី ២៩ ឧសភា ឆ្នាំ ២០២១ ខាងមុខ ដោយជាការប៉ះគ្នាទល់ Evander Holyfield។
អ្នកទាំងពីរជាសត្រូវចាស់ធ្លាប់ប៉ះគ្នាកំឡុងឆ្នាំ ១៩៩៦ និង ១៩៩៧ ដោយកាលនោះគេល្បីរឿង Tyson ខាំស្លឹកត្រចៀក Holyfield នៅលើសង្វៀន។
យ៉ាងណាការប៉ះគ្នាសារនេះ គឺ Tyson ចង់បាន ២៥ លានដុល្លារពីការប្រកួត ហើយអ្នកប្រដាល់ជើងចាស់ទាំងពីរក៏ព្រមព្រៀងគ្នាហើយដែរជុំវិញការចែកលុយម្នាក់ ៥០ ភាគរយពីការប្រកួតនោះ។
Mike Tyson has declared that the Evander Holyfield trilogy fight is on for May 29th…
[📽️ Haute Living] pic.twitter.com/nqggT2cLXn
— Michael Benson (@MichaelBensonn) March 23, 2021
សម្រាប់ Tyson ក៏បាននិយាយលើ Instagram កាលពីថ្ងៃទី ២៤ មិនាកន្លងទៅនេះថា៖ “ខ្ញុំចង់ឲ្យអ្នកគ្រប់គ្នាដឹងថាខ្ញុំនឹងប្រកួតជាមួយ Holyfield ហើយស្តាប់ណាខ្ញុំនឹងយកជ័យជម្នះឲ្យបាននៅថ្ងៃទី ២៩ ឧសភានោះ”៕
ប្រភព៖ GiveMeSports