ក្លឹប FC Barcelona នឹងសរសេរលិខិតមួយទៅសហព័ន្ធកីឡាបាល់ទាត់អេស្ប៉ាញ រឿងដែលកីឡដ្ឋានរបស់ក្រុម Valladolid មិនទាន់ត្រូវតាមស្ដង់ដារ។
ប្រកួតយប់មិញនេះក្រុម Barcelona បានយកឈ្នះលើក្រុម Valladolid ក្នុងលទ្ធផល ១-០ ប៉ុន្តែក្នុងការប្រកួតនោះមានបញ្ហាច្រើនទាក់ទងទៅនឹងស្មៅនៅលើទីលាននេះតែម្ដង។ ដោយសារតែមានបញ្ហានេះហើយ ទើបបានជាក្លឹប Barcelona ប្រកាសថាពួកគេនឹងសរសេរលិខិតផ្លូវការមួយទៅកាន់សហព័ន្ធដើម្បីដោះស្រាយចំពោះកីឡដ្ឋានមិនត្រូវបានស្ដង់ដានេះ។
ដោយឡែកលោក Javier Tebas ប្រធាន La Liga បាននិយាយរួចហើយដែរថា លោកនឹងឱ្យគេមកពិនិត្យមើលកីឡដ្ឋាននេះឡើងវិញ។ លោកបានបញ្ជាក់ថាកីឡដ្ឋាននេះ មិនសមសម្រាប់ការប្រកួតកីឡាបាល់ទាត់នោះទេ៕ប្រភព៖ MARCA
