Jesse Lingard បានបង្ហើបថាគ្រូបង្វឹកក្រុមជម្រើសជាតិអង់គ្លេស Gareth Southgate ជាអ្នកផ្ដល់ដំបូន្មានឱ្យខ្លួន ស្វែងរកក្លឹបថ្មីលេង នៅពេល Man Utd មិនផ្ដល់ឱកាសឱ្យខ្លួន។
Lingard មិនមានឱកាសលេងទាល់តែសោះនៅក្រុមបិសាចក្រហម ប៉ុន្តែនៅខែមករាកន្លងទៅ រូបគេត្រូវបានក្រុម West Ham ខ្ចីជើងទៅលេង។ ក្រោមការដឹកនាំរបស់លោក David Moyes នេះហើយ ធ្វើឱ្យរូបគេមានឱកាសលេងទៀងទាត់ និងរកគ្រាប់បាល់បានច្រើនផងដែរ។ រហូតដល់មានឱកាសជាប់ជម្រើសជាតិអង់គ្លេសផងដែរ។
ខ្សែប្រយុទ្ធវ័យ២៨ឆ្នាំខាងលើបាននិយាយចំពោះការវិលត្រលប់ចូលជម្រើសជាតិអង់គ្លេសវិញនេះថា៖ “ខ្ញុំសប្បាយចិត្តដែលបានជាប់ជម្រើសជាតិ។ គាត់ (Southgate) បានបង្ហាញការគាំទ្រជាច្រើនលើខ្ញុំ។ គាត់បានផ្ដល់ឱកាសឱ្យខ្ញុំជាប់ជម្រើសជាតិ ដែលជាអ្វីខ្ញុំមោទកភាពខ្លាំងណាស់។ គាត់ក៏ជាអ្នកផ្ដល់យោបល់ឱ្យខ្ញុំទៅលេងក្រោមលក្ខខណ្ឌខ្ចីជើងនៅក្លឹបដទៃផងដែរ ដើម្បីបង្ហាញសមត្ថភាព។ ខ្ញុំតែងតែទាក់ទងនិងសួរនាំយោបល់ពីគាត់ជានិច្ច”៕ប្រភព Goal
