ខ្សែប្រយុទ្ធ Gareth Bale បានបញ្ជាក់ច្បាស់ថានៅរដូវកាលក្រោយ នឹងត្រលប់ទៅលេងនៅក្រុម Real Madrid វិញហើយ ក្រោយពីចំណាយពេល១រដូវកាលនៅក្រុម Spurs ។
ខ្សែប្រយុទ្ធជម្រើសជាតិវែលខាងលើនេះ នៅសល់កុងត្រាដល់ឆ្នាំ២០២២ជាមួយក្រុមរបស់លោក Zidane ជាមួយតម្លៃពលកម្មដល់ទៅ៣១លានផោនឯណោះ។ ដោយឡែកកុងត្រាសល់១ឆ្នាំទៀតនេះហើយ ទើបបានជារូបគេអះអាងថាឆ្នាំក្រោយនឹងទៅអេស្ប៉ាញវិញហើយ ដោយលេងឱ្យក្រុម Spurs តែមួយរដូវកាលនេះប៉ុណ្ណោះ។
ក្រោយការដឹកនាំរបស់លោក Jose Mourinho ប្រធានក្រុមជម្រើសជាតិវែលខាងលើនេះក៏មិនសូវបានលេងច្រើនដែរ។ មកទឹកដីអង់គ្លេសដំបូងនោះ រូបគេរបួសខកខានជាច្រើនសប្ដាហ៍ ដោយទើបមានឱកាសបង្ហាញខ្លួនវិញនៅប៉ុន្មានខែនេះទេ។ អ្នកចាត់ការ Jose ក៏មិនមានបំណងក្នុងការបន្ដខ្ចីជើង ឬទិញយកដាច់មករួមក្រុមផងដែរ៕ប្រភព Dailymail
