មានការផ្លាស់ប្តូរគូប្រកួតខ្លះក្នុងព្រឹត្តិការប្រកួតស៊េរីទី២ “ONE on TNT” របស់ស្ថាប័ន ONE Championship។ បន្ទាប់ពីកីឡាករខ្លះមានបញ្ហារបួសបានដកខ្លួនចេញពីការប្រកួតនាថ្ងៃពុធ ទី១៤ ខែមេសា តារាប្រដាល់មួយចំនួនត្រូវបានដាក់ជំនួសនៅ “ONE on TNT II“។
បន្ថែមលើគូឯក និងគូឯងរងដែលមិនមានការផ្លាស់ប្តូរ ឥឡូវនេះ ជើងឯកឃីកបុកសីងពិភពលោក ONE Atomweight កីឡាការិនី Janet “JT” Todd កំពុងមានមហិច្ឆតាស្វែងរកខ្សែក្រវាត់ពិភពលោកក្នុងប្រភេទកីឡាទី២ឡើងសង្វៀនទៀតហើយ។
Todd ដែលមានចំណាត់ថ្នាក់លេខ២ក្នុងជំនាញមួយថៃទម្ងន់ atomweight ទទួលបានជ័យជម្នះ៥ប្រកួតជាប់គ្នា។ នាងទើបតែបានប្រកួតលក្ខណៈមួយថៃកាលពីថ្ងៃសុក្រកន្លងទៅដោយទើបតែឈ្នះកីឡាការិនីចំណាត់ថ្នាក់លេខ៤ Alma Juniku នៅព្រឹត្តិការណ៍ ONE: FISTS OF FURY III។
នៅព្រឹត្តិការណ៍ “ONE on TNT II” កីឡាការិនីអាមេរិកនេះនឹងបន្តស្វែងរកជ័យជម្នះលើកទី៦ដោយត្រូវប្រឈមនឹងជើងខ្លាំងមួយថៃ Anne “Ninja” Line Hogstad។ អ្នកដែលទទួលបានជ័យជម្នះក្នុងការប្រកួតនេះនឹងឡើងទៅប្រកួតដណ្តើមខ្សែក្រវាត់មួយថៃពិភពលោករាជនីខ្សែក្រវាត់ Allycia Hellen Rodrigues។
បន្ថែមលើសពីនេះ គូសំខាន់ក្នុងព្រឹត្តិការណ៍ “ONE on TNT II”ឥឡូវនេះមាន២គូជាលក្ខណគុនចម្រុះ។
កីឡាករ Jarred “The Monkey God” Brooks ជាអ្នកថ្មីដែលទើបលេចមុខប្រកួតលើកដំបូង។
Brooks មានប្រវត្តិប្រកួតឈ្នះ ១៦ដងចាញ់២ដង និងមោឃៈ១ដងដែលពាក់កណ្តាលនៃជ័យជម្នះធ្វើបានសម្រេចក្បាច់ឃ្លេឲ្យដៃគូចុះចាញ់ និងផ្តួលដៃគូឲ្យសន្លប់។
នៅថ្ងៃទី១៤ ខែមេសានេះ រូបគេត្រូវជួបប្រកួតនឹងកីឡាករកំពុងឡើងជើង Lito “Thunder Kid” Adiwang ដែលមានប្រវត្តិប្រកួតឈ្នះ១២ដង ចាញ់៣ដង ហើយមានអត្រាបញ្ឈប់ដៃគូ៩២%។ អ្នកគាំទ្របានឃើញហើយសមាជិកក្លឹប Team Lakay នៅព្រឹត្តិការណ៍ ONE: UNBREAKABLE កាលពីខែមករា រូបគេបានផ្តួល Namiki Kawahara។
ទីបំផុត ជនពិឃាតទម្ងន់ធ្ងន់កាណាដា Dustin Joynson ដែលដើមឡើយត្រូវប្រកួតជាមួយកីឡាករ Islam Abasov ប៉ុន្តែអ្នកជំនាញផ្តួលដៃគូឲ្យសន្លប់រុស្ស៊ីបានដកខ្លួន។
ជំនួសវិញដោយកីឡាករ Kirill Grishenko ដែលជាអ្នកលេងគុនចម្រុះប៉េឡារូសមិនទាន់ស្គាល់ចាញ់ និងមានអត្រាបញ្ឈប់ដៃគូ១០០%។
សូមក្រឡេកមើលគូប្រកួតទាំងអស់នៅ “ONE on TNT II” ដូចខាងក្រោម៖
សមាសភាពគូប្រកួតផ្លូវការពេញ “ONE on TNT II”
- (ជើងឯក) Christian Lee ប៉ះ Timofey Nastyukhin (ការប្រកួតដណ្តើមខ្សែក្រវាត់ពិភពលោក ONE Lightweight)
- Martin Nguyen ប៉ះ Kim Jae Woong (ការប្រកួតគុនចម្រុះ)
- Janet Todd ប៉ះ Anne Line Hogstad (ការប្រកួតមួយថៃ)
- Jarred Brooks ប៉ះ Lito Adiwang (ការប្រកួតគុនចម្រុះ)
- Dustin Joynson ប៉ះ Kirill Grishenko (ការប្រកួតគុនចម្រុះ)
- Liam Harrison ប៉ះ Pongsiri PK.Saenchai Muaythaigym (ការប្រកួតមួយថៃ)