នៅវេលាម៉ោង ១២:០០ នាទីយប់នេះ ក្រុម Leicester City នឹងបើកការប្រកួតទល់ក្លឹប Man Utd សម្រាប់ជំនួប FA Cup វគ្គ ៨ ក្រុមចុងក្រោយ មានផ្សាយផ្ទាល់លើទំព័រ CTS Sports។
យ៉ាងណាមុនឈានដល់ការប្រកួតលោក Ole Gunnar Solskjaer ក៏បានរំឭកដល់រឿងចាស់គ្រាដែល United បានលក់ Jonny Evans ឲ្យទៅ West Brom និងបន្តឲ្យទៅ Leciester នៅឆ្នាំ ២០១៨ នៅតម្លៃខ្លួនត្រឹម ៤ លានអឺរ៉ូ។
Solskjaer និយាយបែបនេះថា៖ “អ្នកដឹងទេ Jonny Evans គួរតែបន្តនៅ Man Utd ពេលនេះ ប៉ុន្តែពេលខ្លះក្នុងពិភពបាល់ទាត់ គឺបានទាញយើងឲ្យទៅនៅកន្លែងផ្សេង ពេលស្ថិតក្រោមការដឹកនាំរបស់នរណាម្នាក់ ដោយខ្ញុំជឿថា Jonny Evans ក៏គេនៅតែមានអារម្មណ៍ជាមួយ Man Utd ដែរ ហើយពួកយើងក៏ដូចគ្នា”។
លោកបន្ត៖ “សម្រាប់ថ្នាលយុវជនរបស់យើង គឺយើងចង់បានកីឡាករដែលមានការអភិវឌ្ឍដូចជា Jonny Evans ជាគំរូ ជាក់ស្តែងដូចជា Mason Greenwood, Scott McTominay និង Dean Henderson ជាដើម ដែលគេក៏បានបង្ហាញពីគុណភាពរបស់គេមកដែរ”៕
ប្រភព៖ Goal