ក្រុម Liverpool បានឡើងទៅឈរកំពូលតារាងបណ្ដោះអាសន្នសិនហើយ ក្រោយពីក្រុមខ្លាំង Manchester City ភ្លាត់បានត្រឹមស្មើ Wolverhampton ត្រឹមលទ្ធផល ១-១។
Liverpool បានយកឈ្នះលើក្រុម Brighton ក្នុងលទ្ធផល ១-០ ដោយខ្សែប្រយុទ្ធ Salah ជាអ្នកធ្វើបានសម្រេច១គ្រាប់ដែលមានសារសំខាន់មួយនេះ។ ខណៈដែលក្រុម Man City ឯណោះ បែរជាភ្លាត់ស្មើជាមួយក្រុមWolverhampton ក្នុងលទ្ធផល ១-១។ ដូច្នេះហើយបើតាមលទ្ធផលនេះ ក្រុមហង្សក្រហមមានឱកាសឡើងទៅកំពូលតារាងសិនហើយ ដោយរង់ចាំមើលការប្រកួតក្រុមផ្សេងៗនៅថ្ងៃនេះទៀត ក្នុងសប្ដាហ៍ទី៣នៃលីគកំពូលអង់គ្លេស។
នេះជាកំណត់ត្រាល្អមួយសម្រាប់ក្រុមរបស់លោក Klopp ព្រោះថាឆ្លងកាត់៣ប្រកួតមកនេះ ពួកគេឈ្នះទាំង៣ប្រកួត ហើយថែមទាំងស៊ុតបាន៧គ្រាប់ មិនទាន់មានក្រុមណាស៊ុតពួកគេវិញចូល១គ្រាប់នៅឡើយទេ៕ប្រភព៖ dailymail