លោក Jose Mourinho បាននិយាយប្រាប់មិត្តភក្ដិថា សឹងតែដើរចេញពីក្លឹប Manchester United ទៅហើយ ដោយសារតែមិនអាចទិញចូលកីឡាករថ្មីមកបាន។
Mourinho មានការមិនពេញចិត្តខ្លាំងមែនទែន សម្រាប់ក្លឹបដែលមិនអាចទិញកីឡាករចូលបានទៅតាមអ្វីដែលលោកចង់បាននៅទីផ្សារដោះដូរកីឡាករកន្លងទៅនេះ។
ជាមួយការមិនពេញចិត្តនេះដែរ កីឡាករក្នុងក្រុមទាំងមូលហាក់ដូចមិនសប្បាយចិត្តដូចគ្នា ធ្វើឱ្យការបើករដូវកាលថ្មីនេះ មិនបានល្អឡើយ ដោយ២ប្រកួត ឈ្នះ១និងស្មើ១។
ចំពោះរឿងនេះដែរ លោក Jose បាននិយាយប្រាប់ទៅកាន់មិត្តភក្ដិរបស់លោកថាសឹងតែ ដើរចេញពីក្លឹបទៅហើយ ព្រោះមិនអាចធ្វើអ្វីតាមដែលចង់បាន។ ខណៈដែលកីឡាករខ្លួនចង់បានវិញ ក៏មិនអាចទិញបានថែមទៀត ព្រោះការចរចាមិនត្រូវគ្នា។ មិត្តភក្ដិរបស់ Jose បានស្រង់សម្ដីអ្នកចាត់ការរូបនេះថា៖ “ខ្ញុំសឹងតែចាកចេញពីក្លឹបហើយ បើមានក្លឹបដទៃចង់បាន”៕ប្រភព៖ DailyMail