• Klopp ​នឹង​មិន​ដាក់​ឱ្យ Fabinho ​លេង​ទេ រហូត​គេ​យល់​ច្បាស់​ជាមួយ​ក្រុម​សិន

    លោក Jurgen Klopp ​បាន​បញ្ជាក់​យ៉ាង​ច្បាស់​ថា​នឹង​មិន​ដាក់​ឱ្យ​កីឡាករ​ចំណូល​ថ្មី § ​ឱ្យ​ចូល​លេង​ឡើយ ​ប្រសិន​បើ​រូបគេ​នៅ​មិន​ទាន់​អាច​សម្រប​ខ្លួន​ជាមួយ​សមាជិក​ក្រុម​បាន។

    Fabinho ​ចូល​រួម​ជាមួយ​ក្រុម Liverpool ​២​ថ្ងៃ​ប៉ុណ្ណោះ ​ក្រោយ​ពី​ក្រុម​នេះ​បរាជ័យ​វគ្គ​ផ្ដាច់ព្រ័ត្រ Champions League ។ វត្តមាន​របស់​កីឡាករ​ប្រេស៊ីល​នេះ ​ត្រូវ​បាន​ក្រុម Liverpool ​យក​មក​ជំនួស​តំណែង​របស់ Emre Can ​។ លោក Klopp ​ប្រើ​ពេល​ដល់​១២​ខែ​ឯ​ណោះ ​ដើម្បី​តាម​ដាន​ជើង​របស់ Fabinho ​នេះ ​មុន​ពេល​សម្រេច​ចិត្ត​ទិញ​យក ​ដោយ​ដាក់​តម្លៃ​ខ្លួន​ខ្ពស់​ជាង​ក្លឹប Arsenal ​និង Man Utd ​ទៅ​ទៀត។

    យ៉ាងណាមិញ ​វត្តមាន​របស់​គេ​នៅ​មិន​ទាន់​ទាក់​ចិត្ត​អ្នក​ចាត់ការ​នៅ​ឡើយ​ទេ ​អំឡុង​ពេល​ប្រកួត​មិត្តភាព​បើក​រដូវ​កាល​នេះ។ ដោយ​លោក Klopp ​បាន​បញ្ជាក់​ថា​នឹង​មិន​ដាក់​ឱ្យ​រូបគេ​លេង​ឡើយ ​ប្រសិន​បើ​នៅ​តែ​មិន​ទាន់​យល់​ពី​របៀប​លេង​របស់​ក្រុម​ទាំង​មូល។ លោក ចង់​ឱ្យ Fabinho ​មើល​តាម​គំរូ​កីឡាករ​ចំណូល​ថ្មី​ឯ​ទៀត ដើម្បី​ងាយ​ស្រួល​សម្រប​ខ្លួន​ជាមួយ​ហង្ស​ក្រហម៕ប្រភព​ DailyMail

    ភ្ជាប់ទំនាក់ទំនងជាមួយ CTS SPORT