អតីតជើងចាស់សញ្ជាតិអ៊ីតាលីលោក Antonio Di Gennaro ដែលធ្លាប់លេងឲ្យក្រុមជម្រើសជាតិនៅព្រឹត្តិការណ៍ World Cup ឆ្នាំ ១៩៨៦ បង្ហាញការយល់ឃើញថា នៅពេលចុងក្រោយនេះគឺ Cristiano Ronaldo មានការខកចិត្តជាង Lionel Messi បើទោះបីជារជ្ជកាលរបស់អ្នកទាំងពីរហាក់ត្រៀមនឹងបញ្ចប់ព្រមគ្នាក៏ដោយ។
ជាការពិតកីឡាករទាំងពីរបានធ្លាក់ចេញពីវគ្គ ១៦ ក្រុមនៅ UCL ក្នុងឆ្នាំតែមួយដូចគ្នា ពោលគឺមិនធ្លាប់កើតមានតាំងពី ១៦ ឆ្នាំមុន។
យ៉ាងណាតាមការយល់ឃើញរបស់លោក Di Gennaro និយាយលើប៉ុស្តិ៍ RAI បែបនេះថា៖ “កន្លងផុតប៉ុន្មានឆ្នាំមកនេះ ខ្ញុំគិតថា Cristiano Ronaldo គឺមានការខកចិត្តជាង Messi ដោយខ្ញុំមិនធ្លាប់ឃើញ Ronaldo បែបនេះពីមុនមកទេ ហើយជាមួយការឲ្យតម្លៃទៅលើក្រុម Porto ក៏ដោយ តែការធ្លាក់ជាមួយលទ្ធផលបែបនេះគឺវាពិបាកនឹងនិយាយខ្លាំងណាស់ ហើយជាពិសេសសម្រាប់ក្រុមល្អដូចជា Juventus ពួកគេនឹងយល់ហើយថានឹងមានរឿងអ្វីកើតឡើងនៅឆ្នាំក្រោយ”។
គួររំឭកថាមានភាគរយច្រើនដែលតារាឆ្នើមកីឡាករព័រទុយហ្គាល់អាចនឹងចាកចេញនៅបញ្ចប់រដូវកាល ក្រោយចាយពេល ៣ រដូវកាលនៅសេះបង្កង់តែមិនទាន់ស្គាល់រសជាតិឆ្លងដល់វគ្គ ៤ ក្រុមចុងក្រោយនៅ UCL៕
ប្រភព៖ SportBible