ក្រុម Borussia Dortmund បានឡើងទៅវគ្គ៨ក្រុមចុងក្រោយហើយ ក្រោយពីលេងស្មើ ២-២ ជាមួយក្រុម Sevilla នៅជើងទី២ ខណៈដែលសរុបទាំងពីរជើងទៅ ៥-៤។
ខ្សែប្រយុទ្ធវ័យក្មេង Haaland នៅតែបន្ដទម្រង់លេងល្អរបស់ខ្លួនទៀត ដោយរកបានដល់ទៅ២គ្រាប់មុនឱ្យក្រុម Dortmund នៅនាទី៣៥ និង៥៤។ ដោយឡែក២គ្រាប់របស់ក្រុម Sevilla វិញ ធ្វើបាននៅនាទី Nesyri នាទី៦៨ និង៩០+៦។ ចប់ការប្រកួតក្រុមទាំងពីរស្មើគ្នា ២-២ នៅជើងទី២នេះ។ ដោយឡែកដោយសារជើងទី១កន្លងទៅ Dortmund បានឈ្នះ ៣-២ ទៅហើយ ដូច្នេះសរុបទាំងពីរជើង ៥-៤ ក្រុម Dortmund ជាអ្នកឡើងទៅវគ្គបន្ដ។
និយាយពីខ្សែប្រយុទ្ធវ័យក្មេង Haaland វិញកំពុងធ្វើបានល្អនិងត្រូវបានគេសរសើរខ្លាំងមែនទែន។ រូបគេរកគ្រាប់បាល់បានសឹងគ្រប់ប្រកួតទៅហើយ និងជាកីឡាករសំខាន់ម្នាក់ក្នុងក្រុមDortmund នារដូវកាលនេះ៕ប្រភព Dailymail
