ក្រុម West Ham បានបន្ដធ្វើបានល្អទៀតសម្រាប់ការប្រកួតទល់ក្រុម Leeds United ដោយយកឈ្នះក្នុងលទ្ធផល ២-០ នៅយប់មិញនេះ។
ក្រុមរបស់ David Moyes រកបាន២គ្រាប់ក្នុងការប្រកួតខាងលើនេះ ដែលកើតចេញពីតង់ទី១ទាំងអស់។ ដោយ១គ្រាប់ធ្វើបានសម្រេចដោយ Lingard នៅនាទី២១ និង១គ្រាប់ទៀតធ្វើបានដោយ Dawson នៅនាទី២៨។ លទ្ធផល West Ham ២-០ Leeds នេះ រក្សារហូតដល់ចប់ការប្រកួតតែម្ដង។
ទទួលបាន៣ពិន្ទុបន្ថែមនេះ ធ្វើឱ្យ West Ham តាមកៀកមែនទែនជាមួយក្រុម Chelsea ដោយពួកគេមាន៤៨ពិន្ទុ ឆ្លងកាត់២៧ប្រកួត ឈរនៅលេខ៥។ ស្របពេលក្រុម Chelsea វិញ នៅលេខ៤ មាន៥០ពិន្ទុ ឆ្លងកាត់២៨ប្រកួត៕
ប្រភព៖ DailyMail