• ក្មួយ​ម្ចាស់​ក្លឹប​ Man City ​ចង់​ទិញ​ក្លឹប​ Liverpool ​តម្លៃ​ ២​ពាន់​លាន​ផោន​

    លោក Sheik Khaled Bin Zayed Al Nehayan ​ដែល​ត្រូវ​ជា​ប្អូន​ជីដូន​មួយ​របស់​លោក Sheik Mansour ​ម្ចាស់​ក្លឹប​បាល់ទាត់ Manchester City ​បាន​ដាក់​ដេញ​ថ្លៃ​​ទិញ​យក​ក្លឹប Liverpool ​ក្នុង​តម្លៃ​ខ្លួន​២​ពាន់​លាន​ផោន​។

    ការ​ដាក់​តម្លៃ​ស្នើ​ទិញ​នេះ ​ធ្វើ​ឡើង​នៅ​ចុង​ឆ្នាំ​២០១៧​ម្ដង​មក​ហើយ ប៉ុន្តែ​មិន​បាន​សម្រេច ​ក៏​ធ្វើ​ឡើង​ម្ដង​ទៀត​ក្នុង​ឆ្នាំ​២០១៨​នេះ។ យ៉ាងណាមិញ ​សំណើ​លើក​ទី​២​នេះ នៅ​តែ​មិន​បាន​សម្រេច​ដដែល ​ដោយ​លោក ​Tom Werner ​ម្ចាស់​ក្លឹប​ផ្ទាល់​បាន​បដិសេធ​ចំពោះ​តម្លៃ​២​ពាន់​លាន​ដុល្លារ​នេះ។ តម្លៃ​២​ពាន់​លាន​ផោន ​ប្រសិន​បើ​ម្ចាស់​ក្លឹប Liverpool ​ព្រម​លក់​មែន ​នោះ​នឹង​ក្លាយ​ជា​តម្លៃ​ខ្ពស់​បំផុត​មិន​ធ្លាប់​មាន​ឡើយ​ក្នុង​ប្រវត្តិសាស្ត្រ​បាល់ទាត់ ​ដែល​ក្លឹប​មួយ​មាន​តម្លៃ​ថ្លៃ​យ៉ាង​នេះ។

    ណែនាំ​ឱ្យ​ស្គាល់​លោក Sheik Khaled ​ដែល​ជា​អ្នក​ចង់​ទិញ​ក្លឹប Liverpool ​នេះ គឺ​ជា​សេដ្ឋី​វ័យ​ក្មេង​ម្នាក់​នៅ​កាតា។ បុរស​ជោគជ័យ​នៅ​តំបន់​មជ្ឈិមបូព៌ា​នេះ ​ស្រលាញ់​បាល់​ទាត់​ដូច​ទៅ​នឹង​ពូ​របស់​គេ Sheik Mansour ​ម្ចាស់​ក្លឹប Manchester City ​ដែរ៕ប្រភព៖ dailymail

     

     

     

    ភ្ជាប់ទំនាក់ទំនងជាមួយ CTS SPORT