ក្រុមមាន់ខ្នាយមាស Tottenham Hotspur បានយកឈ្នះ ៤-១ ទៅលើ Crystal Palace ក្នុងក្របខ័ណ្ឌ Premier League កាលពីយប់មិញ ហើយក្រៅពីការយកបាន ៣ ពិន្ទុ ជាងនេះពួកគេក៏ឈានដល់ស្ថិតិដ៏ល្អមួយផងដែរ។
នោះគឺជាគ្រាប់បាល់ទី ១០០ ហើយនៅរដូវកាល ២០២០/២១ រាប់គ្រប់ការប្រកួតទាំងអស់។ ជាមួយតួលេខនេះដែរ ក្រុមដឹកនាំដោយលោក Jose Mourinho នៅចាញ់តែក្រុម Bayern Munich មួយគត់ ដែលពួកគេមាន ១០៦ ជាក្រុមឈរលេខរៀងទី ១ រកបានគ្រាប់បាល់ច្រើនបំផុតនៅលីគកំពូលទាំង ៥។
បញ្ជាក់ដែរថានៅជុំទី ២៧ Tottenham មាន ៤៥ ពិន្ទុក្នុងដៃ ចាញ់ ២ ពិន្ទុធៀបនឹង Chelsea (សល់ ១ ជុំ) ហើយនៅ Europa League ពួកគេត្រៀមនឹងប៉ះក្រុម Dinamo Zagreb នៅថ្ងៃសុក្រនេះ មានផ្សាយផ្ទាល់លើទំព័រ CTS Sports៕
ប្រភព៖ Sportsmole