នៅឆ្នាំ ២០០៥ ខ្សែប្រយុទ្ធ Robinho បានផ្ទេរពីក្លឹប Santos មកចូលរួមនៅ Real Madrid ហើយបានបង្កើតផ្លែផ្កាជោគជ័យគួរសម ដោយរកបាន ៣៥ គ្រាប់នៅ ១៣៧ ប្រកួត។
យ៉ាងណាកីឡាករសញ្ជាតិប្រេស៊ីលបែរជាចង់ចាកចេញ ហើយចង់ផ្ទេរទៅចូលរួមនៅ Barcelona នារយៈពេល ៣ ឆ្នាំក្រោយ។ ប៉ុន្តែការសម្រេចរបស់លោក Joan Laporta ដែលជាប្រធានក្លឹបនៅកាលនោះ គឺមិនបានសម្រេចជ្រើសយក Robinho ទេ ផ្ទុយទៅវិញគឺយក Lionel Messi ដែលមានអាយុប្អូន Robinho ចំនួន ៤ ឆ្នាំ។
ហេតុផលគឺដោយសារតែ Laporta គិតថា M10 មានសមត្ថភាពនៃការលេងដូចទៅនឹង Maradona ក៏ដូចជា Cruyff ហើយអាចក្លាយជាតារាឆ្នើមលំដាប់ពិភពលោកទៅថ្ងៃខាងមុខបាន។
ប្រាប់ El Mundo លោក Laporta និយាយ៖ “Robinho គេចង់មកចូលរួមនៅ Barcelona តែយើងបានចរចាជាមួយ Messi រួចទៅហើយ ដោយយើងមិនដែលចាប់អារម្មណ៍កីឡាករប្រេស៊ីលរូបនោះទេ ហើយ Messi ត្បិតគេទើបអាយុ ១៨ ឆ្នាំ តែគេអាចគ្រប់គ្រងបាល់បានល្អជាងនរណាទាំងអស់”។
លោកបន្ថែមថា៖ “គេមានចង្វាក់លេងដូចជា Maradona និង Cruyff ហើយអាចក្លាយជាតារាឆ្នើមក្នុងលោក ទើបខ្ញុំសម្រេចចិត្តជ្រើសរើសយក Messi”៕
ប្រភព៖ Marca