លោក Ole Gunnar Solskjaer បាននិយាយថាខ្សែប្រយុទ្ធ Anthony Martial បានបង្ហាញទម្រង់លេងល្អបំផុតរបស់ខ្លួនក្នុងការប្រកួតនៅយប់មិញនេះ។
ក្រុម Man Utd អាចបញ្ចប់កំណត់ត្រាឈ្នះជាប់គ្នាជាង២០ប្រកួតរបស់ក្រុម Man City បាន មិនមែនជារឿងធម្មតានោះទេ។ ជាក់ស្ដែងចាប់តាំងពីការប្រកួតនាទីដំបូងមក ក្រុមរបស់លោក Ole បានបង្ហាញទំនុកចិត្តក្នុងការប្រកួត មិនឱ្យក្រុម Man City ធ្វើអ្វីបានឡើយ។ ជាក់ស្ដែងនៅត្រឹមនាទីទី ២ Bruno រកបាន១គ្រាប់ទៅហើយ ក្រោយពី Martial អូសបាល់ទៅប្រអប់គ្រោះថ្នាក់ ហើយ Jesus មកទាក់ជើង។
ក្នុងការប្រកួតនេះ លោក Ole បាននិយាយថា៖ “Matial ជា man of the match នេះ។ គាត់បានលេងដល់កម្រិតកំពូលរបស់គាត់ បើទោះជាមិនអាចរកគ្រាប់បាល់បានក៏ដោយ។ នេះជា Anthony ដែលយើងស្គាល់ ខ្លាំង លឿន និងពោរពេញដោយបច្ចេកទេស។ គ្រប់ការប្រកួតកន្លងមកគាត់មិនបានធ្វើបានដូច្នេះទេ ប៉ុន្តែនៅយប់មិញនេះគាត់បានឡើងដល់កម្រិតកំពូលហើយ”៕
ប្រភព៖ Goal