លោក Joan Laporta បានជាប់ឆ្នោតជាប្រធានក្លឹប FC Barcelona ហើយ បន្ទាប់ពីការបោះឆ្នោតធ្វើឡើងកាលពីម្សិលមិញនេះ។
លោក Laporta ខាងលើនេះបាននិយាយកាលពីពេលកន្លងទៅថា លោកនឹងបញ្ចុះបញ្ចូលឱ្យខ្សែប្រយុទ្ធ Lionel Messi បន្ដលេងនៅក្រុម Barcelona ទៀត។ ការប្ដេជ្ញាចិត្ដរបស់លោកយ៉ាងនេះហើយ ទើបទំនងជាធ្វើឱ្យមានអ្នកបោះឆ្នោតឱ្យលោកយ៉ាងច្រើនបែបនេះ។ លោកទទួលបានសំឡេងគាំទ្ររហូតដល់៥៤% ពោលគឺទទួលបានសំឡេងគាំទ្រ ៥៥ ៦១១សំឡេងឯណោះ។
រំលឹកថាបុរសវ័យ៥៨ឆ្នាំខាងលើនេះធ្លាប់ដឹកនាំក្រុម FC Barcelona ម្ដងមកហើយកាលពីឆ្នាំ ២០០៣រហូតដល់ឆ្នាំ២០១០។ ដោយរយៈពេលកន្លងទៅនោះ ក្រុមអ្នកមានបុណ្យធ្លាប់ឈ្នះពាន UEFA Champions League ២ដង និង La Liga បាន៤ដងផងដែរ៕
ប្រភព៖ DailyMail