ក្លឹប Real Madrid ត្រូវបានគេដឹងថាយល់ព្រមលក្ខខណ្ឌផ្ទាល់ខ្លួនក្នុងការទិញយកខ្សែប្រយុទ្ធ Iago Aspas របស់ក្រុម Celta Vigo ហើយ ដោយអាចមានតម្លៃខ្លួន៣៦លានផោន។
ក្រោយពីការចាកចេញរបស់ Cristiano Ronaldo ទៅ ក្រុម Real Madrid នៅមិនទាន់រកឃើញអ្នកមកជំនួសនៅឡើយទេ ដោយពួកគេបានព្យាយាមប្រើប្រាស់កីឡាករដែលនៅសល់ក្នុងក្រុមទាំងអស់សិន។ យ៉ាងណាមិញ ទីផ្សារដោះដូរកីឡាករនឹងបិទនៅចុងខែនេះហើយ ដូច្នេះ Real នៅមានពេលនៅឡើយក្នុងការស្វែងរកខ្សែប្រយុទ្ធមករួមក្រុមបាន។
ប្រភពនៅអេស្ប៉ាញ បានទម្លាយរឿងមួយកាលពីយប់មិញនេះថា Aspas របស់ក្រុម Celta Vigo បាននិយាយត្រូវគ្នាជាមួយក្លឹប Real Madrid ហើយ។ នៅឡើយតែការចរចាក្លឹបទៀតប៉ុណ្ណោះ នឹងអាចផ្ទេរមកលេងនៅ Santiago Bernabéu បានហើយ។ ខណៈដែលការយកខ្សែប្រយុទ្ធវ័យ៣១ឆ្នាំនេះ ព្រោះថា Real Madrid បានបរាជ័យក្នុងការទិញយក Rodrigo របស់ក្រុម Valencia បាត់ទៅហើយ៕ប្រភព៖ dailymail