នៅឯកីឡដ្ឋាន Etihad នាវេលាម៉ោង ១១:៣០ នាទីយប់ ក្រុម Manchester City នឹងស្វាគមន៍ក្រុមភ្ញៀវ Manchester United ដែលជាជំនួប Manchester Derby មានផ្សាយផ្ទាល់លើទំព័រ CTS Sports។ ការប្រកួតនេះជាការជួបគ្នារវាងក្រុមលេខ ១ Man City មាន ៦៥ ពិន្ទុ (ជុំទី ២៧) និង Man Utd ជាក្រុមលេខ ៣ មាន ៥១ ពិន្ទុ (ជុំទី ២៧) មានន័យថា បើបិសាចក្រហមឈ្នះអាចរំកិលឡើងលេខ ២ ហើយប្រសិន City ឈ្នះ អាចបន្ថែមគម្លាតពិន្ទុដាច់ ១៧ ពិន្ទុ។
មុនឈានដល់ការប្រកួតទំព័រ CTS Sports សូមធ្វើការទស្សន៍ទាយទុកជាមុនថា ជំនួបរាត្រីនេះគឺម្ចាស់ផ្ទះ City នឹងយកឈ្នះ United នៅលទ្ធផល ២-១ នោះក៏ដោយសារហេតុផលមួយចំនួនដូចខាងក្រោម៖
១) ស្ថិតិប្រកួត
ក្រុមទាំងពីរជួបគ្នា ១៨៤ លើក United ឈ្នះ ៧៦ លើក ស្មើ ៥៣ លើក ចាញ់ ៥៥ លើក តែនៅ ២ ប្រកួតចុងក្រោយគឺស្មើ ១ ចាញ់ ១ ដោយនៅ PL ជើងទី ១ ស្មើ ០-០ ហើយនៅ League Cup ចាញ់ ២-០។
៥ ប្រកួតចុងក្រោយក្នុងលីគ PL របស់ក្រុមទាំងពីរគឺ City ល្អជាងដាច់ដោយឈ្នះ ៥ លើកជាប់គ្នា កំពុងឈរលើកំណត់ត្រាឈ្នះ ២១ ប្រកួតជាប់ៗគ្នា ហើយរំពឹងនឹងបន្តឈ្នះដើម្បីឈានដល់ប្រកួតទី ២៤ ដែលអាចយកឈ្នះកំណត់ត្រា Real & Bayern Munich។
រីឯ United ឈ្នះ ១ ស្មើ ៤ លើកឯណោះ ហើយការលេងរបស់កីឡាករប្រៀបដូចជាធ្លាក់ទម្រង់លេង ធៀបនឹងប៉ុន្មានប្រកួតមុនៗឯទៀត ជាពិសេសគឺ Role របស់ Bruno Fernandes ផ្ទាល់តែម្តង។ ប៉ុន្តែក៏មានកំណត់ត្រាមួយដែលរង់ចាំក្រុមដឹកនាំដោយលោក Ole នោះគឺប្រសិនណាឈ្នះយប់នេះ វាជាជ័យជម្នះក្រៅដី ៣ ប្រកួតជាប់គ្នាទល់ City ហើយរំពឹងអាចបន្តឈានដល់ ៤ លើក ដើម្បីតាមស្មើកំណត់ត្រាចាស់ធ្លាប់កើតមាននៅខែវិច្ឆិកា ឆ្នាំ ២០០០។
២) ស្ថានភាពកីឡាករ
United អវត្តមានកីឡាករសំខាន់ ២ រូបមានអ្នកចាំទី David de Gea និងខ្សែប្រយុទ្ធជំនាញខាងបញ្ចប់ទី Edinson Cavani។ រីឯ Man City ពេញជើងច្រើនជាង ដោយសូម្បីតែ Sergio Aguero ក៏មានវត្តមានដែរ តែស៊ីសងលើការសម្រេចរបស់លោក Pep ព្រោះប៉ុន្មានប្រកួតចុងក្រោយកូនក្រុមទាំងអស់លេងបានល្អប្រហែលគ្នា ដែលមានការប្រកួតប្រជែងខ្លាំង។
៣) ជម្រើស ១១ រូបអាចកើតឡើង៖
Man City: Ederson; Cancelo, Dias, Stones, Zinchenko; Gundogan, Rodri, De Bruyne; Foden, Sterling, Bernardo
Manchester United: Henderson; Wan-Bissaka, Lindelof, Maguire, Shaw; McTominay, Fred; James, Fernandes, Rashford; Martial