ខ្សែប្រយុទ្ធ Alvaro Morata រកបាន២គ្រាប់ម្នាក់ឯងជួយក្រុម Juventus យកឈ្នះលើក្រុម Lazio បានក្នុងលទ្ធផល ៣-១ សម្រាប់ការប្រកួតពានរង្វាន់ Serie A នៅយប់មិញ។
សម្រាប់ការប្រកួតនៅយប់មិញនេះដែរ លោក Pirlo បានដាក់ឱ្យកីឡាករ Cristiano Ronaldo អង្គុយកៅអីបម្រុងសិននៅតង់ទី១។ យ៉ាងណាមិញ ទោះជាគ្មាន Ronaldo ក៏ក្រុម Juventus អាចរកគ្រាប់បាល់បានដែរ ជាក់ស្ដែង Rabiot រកបាន១គ្រាប់នៅនាទី៣៩ មុនពេល Morata ដាក់២គ្រាប់នៅនាទី៥៧ និង៦០។ រូបគេត្រូវបានប្ដូរចេញ ជំនួសដោយ Ronaldo វិញនានាទី៦៩ ហើយការប្រកួតក៏លែងមានគ្រាប់បាល់បន្ដដែរ។ ចប់ ក្នុងលទ្ធផល Juventus ៣-១ Lazio ។
ការទទួលបាន៣ពិន្ទុបន្ថែមនេះ បានធ្វើឱ្យក្រុម Juventus ឈរនៅលេខ៣ក្នុងតារាង មាន៥២ពិន្ទុ។ ក្រុមលេខ២ AC Milan មាន៥៣ពិន្ទុ និងក្រុមលេខ១ Inter Milan មាន៥៩ពិន្ទុ ឆ្លងកាត់ការប្រកួត២៥ប្រកួតស្មើគ្នាទាំងអស់៕
ប្រភព៖ DailyMail