ក្រុម Real Madrid នឹងត្រូវទៅសួរសុខទុក្ខក្រុម Atletico Madrid នៅរាត្រីនេះ សម្រាប់ការប្រកួតបានរង្វាន់ La Liga ។
ជំនួបរវាងក្រុមធំទាំងពីរនៅទីក្រុងម៉ាឌ្រីតនេះ ត្រូវបានគេចាប់អារម្មណ៍ខ្លាំង ព្រោះពួកគេកំពុងប្រជែងពិន្ទុគ្នា។ ស្របពេលក្រុម AT Madrid ដែលឈរនៅកំពូលតារាងនោះ ប៉ុន្មានប្រកួតមកនេះពួកគេបានបាត់ពិន្ទុច្រើន ធ្វើឱ្យគម្លាតមិនសូវជាឆ្ងាយពីគ្នាដូចលើកមុននោះទេ។
ដោយឡែកសម្រាប់លោក Zidane វិញដែលកំពុងមានសម្ពាធស្រាប់នោះ បាននិយាយមុនការប្រកួតថា៖ “អ្វីក៏ដោយកើតឡើងនៅយប់នេះ ក្រុម Real Madrid ក៏នៅតែរស់ដដែល យើងនៅតែអាចប្រជែងពានរង្វាន់បន្ដទៀត។ អ្វីដែលសំខាន់សម្រាប់ការប្រកួត គឺត្រូវលេងបានល្អបំផុត”។
រំលឹកថានៅក្នុងការប្រកួតនេះ ក្រុម Real Madrid អវត្តមានកីឡាករសំខាន់ៗជាច្រើន។ Hazard ដែលគេរំពឹងថានឹងបានលេងនៅប្រកួតនេះ បានរងរបួសអំឡុងពេលហ្វឹកហាត់ មិនអាចចូលលេងបានទេ។ តែអ្វីដែលជាដំណឹងល្អនោះ Benzema មានឈ្មោះលេងវិញហើយ ក្រោយពីខកខានជាច្រើនប្រកួតកន្លងមក៕
ប្រភព៖ Marca