លោក Jurgen Klopp បានប្ដូរខ្សែប្រយុទ្ធ Mohamed Salah ចេញនៅតង់ទី២ ក្នុងការប្រកួតដែលចាញ់ក្រុម Chelsea ក្នុងលទ្ធផល ១-០ កាលពីម្សិលមិញនេះ។
ការប្ដូរចេញនេះដែរ បានធ្វើឱ្យសាមីខ្លួនមិនពេញចិត្តនោះទេ ហើយភ្នាក់ងាររបស់ខ្សែប្រយុទ្ធអេហ្ស៊ីបខាងលើក៏មិនសប្បាយចិត្តចំពោះការសម្រេចចិត្តនេះដែរ។ ពួកគេ បាននិយាយថាលោក Klopp មិនគួរធ្វើបែបនេះឡើយ ព្រោះ Salah នៅអាចលេងបាន មិនមានបញ្ហារបួស ឬបង្ហាញការនឿយហត់អ្វីនោះទេក្នុងការប្រកួតទល់ក្រុម Chelsea ។
យ៉ាងណាមិញលោក Klopp ក្នុងនាមជាអ្នកចាត់ការក្រុមនៅតែបញ្ជាក់ច្បាស់ថាប្រសិនបើលោកមើលឃើញថា Salah លេងមិនបានល្អ ឬបង្ហាញអារម្មណ៍មិនមូលទេ គឺរូបគេមិនអាចចូលលេងបានឡើយ។ លោកប្រើប្រាស់តែកីឡាករដែលតាំងចិត្តនិងបង្ហាញថាអាចលេងបាន១០០%ប៉ុណ្ណោះ៕
ប្រភព៖ DailyMail