ខ្សែប្រយុទ្ធ Eden Hazard បានរងរបួសជាថ្មីទៀតទៅហើយ អំឡុងពេលហ្វឹកហាត់កន្លងទៅនេះ ដែលនឹងធ្វើឱ្យរូបគេបន្ដអវត្តមានលើទីលានទៀតមិនខាន។
តាំងពីផ្លាស់ពីក្រុម Chelsea មកនៅឆ្នាំ២០១៩ Hazard មិនទាន់បានបង្ហាញទម្រង់លេងអ្វីឱ្យល្អនោះទេ។ ជាក់ស្ដែង របួសជាប់ជានិច្ចតែម្ដង ហើយចុងក្រោយនេះអំឡុងពេលហាត់តិចៗជាមួយបាល់ដើម្បីសង្ឃឹមថាអាចត្រលប់ចូលទីលានបានវិញនោះ ក៏ស្រាប់តែកើតមានរបួសមួយទៀតទៅហើយ។ របួសនេះ នឹងធ្វើឱ្យរូបគេខកខានប្រកួតទល់ AT Madrid នៅថ្ងៃស្អែកមិនខាន។
រំលឹកថាលោក Zidane នៅរដូវកាលនេះឈឺក្បាលនឹងកីឡាកររបួសច្រើនមែនទែន ដោយមិនអាចមានក្រុមមួយដែលពេញលេញបាននោះទេ។ កន្លងទៅនេះ ក្នុងលីគ La Liga ក្រុម Real Madrid បានប្រើប្រាស់កីឡាករក្មេងៗជាច្រើនមកហើយដើម្បីចូលជួយក្រុមធំ៕
ប្រភព៖ DailyMail