ជំនួប Manchester Derby នឹងកើតឡើងនៅស្អែកថ្ងៃអាទិត្យនេះ មានផ្សាយផ្ទាល់លើទំព័រ CTS Sports ដែលនេះជាជំនួបដ៏ជក់ចិត្ត ព្រោះជាការប៉ះគ្នារវាងក្រុមលេខ ១ Manchester City និងក្រុមលេខ ២ Manchester United។
សព្វថ្ងៃ City នាំមុខ United ១៤ ពិន្ទុដាច់នៅតារាង Premier League ហើយកំពុងបន្តកំណត់ត្រាឈ្នះជាប់គ្នា ២១ ប្រកួតរាប់គ្រប់ក្របខ័ណ្ឌទាំងអស់ ដែលពួកគេត្រូវការ ៣ ប្រកួតទៀតដើម្បីក្លាយជាក្រុមទី ១ នៅអឺរ៉ុបឈ្នះជាប់គ្នាច្រើនបំផុតនាំមុខ Real Madrid & Bayern Munich។
យ៉ាងណាបង្វែរមកការប្រកួតខាងមុខនេះវិញ លោក Pep Guardiola បានបង្ហាញការយល់ឃើញដូច្នេះថា៖ “ខ្ញុំដឹងថា United ពិបាកនឹងតទល់ប៉ុណ្ណា ដោយពីមួយឆ្នាំទៅមួយឆ្នាំពួកគេមានភាពល្អប្រសើរឡើង ជាពិសេសការលេងនៅ Etihad ក៏រមែងទទួលបានលទ្ធផលល្អ”។
លោកបន្ថែមថា៖ “យើងមានឱកាសដើម្បីបន្ថែមគម្លាតពិន្ទុឲ្យកាន់តែឆ្ងាយ ហើយយើងក៏បាននិយាយគ្នារួចរាល់ពេលហ្វឹកហាត់ហើយដែរ ថាយើងត្រូវធ្វើអ្វីដើម្បីផ្តួលពួកគេ”៕ ប្រភព៖ BeSoccer