នៅថ្ងៃសុក្រទី ៥ ខែ មីនា នេះ អ្នកលេងគុនចម្រុះចំនួន ១០ នាក់ត្រូវនឹង៥គូ ហើយមួយគូនៃការប្រកួតមួយថៃនឹងធ្វើឲ្យអ្នកគាំទ្ររំភើបរីករាយនៅព្រឹត្តិការណ៍ ONE: FISTS OF FURY II។
នេះជាឱកាសដែលកីឡាករមួយចំនួនត្រូវបន្តកំណត់ត្រាល្អរបស់ខ្លួន ហើយមួយចំនួនទៀត ខំប្រឹងស្វែងរកលទ្ធផលល្អដើម្បីឆ្ពោះទៅគ្រងខ្សែក្រវាត់ ONE World Title នាពេលខាងមុខ។ ចំណែកអ្នកផ្សេងទៀតចង់កើនចំណាត់ថ្នាក់ផ្លូវការរបស់ ONE’s Athlete Rankings ស្របពេលកីឡាករខ្លះចង់ស្ដារកិត្តិយសឡើងវិញដើម្បីសម្រេចគោលដៅ។
សូមទស្សនាការផ្គូផ្គងដែលធ្វើឲ្យកក្រើកនៅកីឡដ្ឋាន Singapore Indoor Stadium ប្រទេសសិង្ហបុរីនាថ្ងៃស្អែកនេះ។
Amir Aliakbari & Kang Ji Won
ក្រោយការចុះកុងត្រា ម្ចាស់ជើងឯក Greco-Roman Wrestling World Champion កីឡាករ Amir Aliakbari នឹងឡើងសង្វៀនជាផ្លូវការ។
ជើងខ្លាំងរហស្សនាម “Iron Sheik” នឹងបង្ហាញខ្លួនលើកដំបូងពេលឡើងប៉ះតារាកូរ៉េមិនដែលចាញ់ “Mighty Warrior” Kang Ji Won ក្នុងនាមជាគូឯកទម្ងន់ធ្ងន់។ ពេលចុះកិច្ចសន្យាប្រកួតឲ្យសង្វៀនលំដាប់អន្តរជាតិ Aliakbari បានកោះហៅម្ចាស់ខ្សែក្រវាត់ ONE Heavyweight World Champion កីឡាករ Brandon “The Truth” Vera ដើម្បីជួបគ្នានៅថ្ងៃណាមួយ និងចង់គ្រងខ្សែក្រវាត់វិញម្ដង។
Vera មិនឆ្លើយថា «ទេ» ឡើងចំពោះសំណើនេះ ប៉ុន្តែ កីឡាករអ៊ីរ៉ង់ត្រូវទទួលលទ្ធផលនៅសិង្ហបុរីយប់ស្អែកសិន។ Aliakbari មានកំណត់ត្រាឈ្នះ ១០ ដង និងចាញ់ ១ ដងនៅលើសង្វៀន ជាមួយនឹងការបញ្ចប់គូប្រកួតរហូតដល់ ៧០%។ មានតែជ័យជម្នះទេ ដែលអាចឲ្យរូបគេទៅដណ្ដើមខ្សែក្រវាត់ខាងមុខ និងអាចសងសឹកជំនួសមិត្តរួមក្លិប AAA Team កីឡាករ Mehdi Barghi ផងដែលចាញ់ Kang កាលខែមុននៅសង្វៀន ONE: UNBREAKABLE III។
យ៉ាងណាក្ដី “Mighty Warrior” ក៏ចង់ឈ្នះដែរនៅ Singapore Indoor Stadium។ តារាកូរ៉េចង់រក្សាកំណត់ត្រាល្អឥតខ្ចោះរបស់ខ្លួន និងផ្ដួល Aliakbari ដើម្បីឈ្នះ ២-០ ជាប់គ្នានៅសង្វៀន ONE ហើយកាន់តែខិតទៅប្រកួតយកខ្សែក្រវាត់ពិភពលោក។
Alexandre Machado & Anatoly Malykhin
គូឯករងតម្រូវលើតារាទម្ងន់ធ្ងន់ heavyweight ដូចគ្នា ពោល អតីតគូប្រជែងខ្សែក្រវាត់ពិភពលោក Alexandre “Bebezao” Machado ត្រូវប៉ះកីឡាកររុស្សីមិនដែលចាញ់ Anatoly “Spartak” Malykhin។
Machado ធ្លាប់ឡើងប្រជែងខ្សែក្រវាត់ ONE Light Heavyweight World Title ដែលនៅទំនេរ ប៉ុន្តែ មិនងាយស្រួលដើម្បីកាន់ខ្សែក្រវាត់ឡើយ។ អ្នកជំនាញជឺជិតស៊ូបានផ្ដួលជើងខ្លាំងដូចជា Alain “The Panther” Ngalani និង Hideki “Shrek” Sekine ជាដើម ហើយការឈ្នះលើតារារុស្សី គឺជាកាដូធំក្នុងអាជីពរបស់ខ្លួន។ Malykhin មិនទាន់ចាញ់សោះ ពោលឈ្នះ ៨-០ ក្នុងពិភពគុនចម្រុះ ប៉ុន្តែ បុរសមកពីក្រុង Kemerovo ចង់បានកំណត់ត្រាឈ្នះ ១០០%។
“Spartak” ក៏សម្លឹងឆ្ពោះទៅដណ្ដើមខ្សែក្រវាត់ពិភពលោកដែរ។
Ryogo Takahashi & Tang Kai
តារាទម្ងន់ featherweight គឺជាការជួបគ្នារវាងតារាជើងចាស់ជប៉ុន Ryogo “Kaitai” Takahashi ប៉ះតារាទើបរះចិន Tang Kai ដែលសុទ្ធតែដាក់ភ្នែកសម្លឹងទៅចំណាត់ថ្នាក់ល្អនៅ ONE’s Athlete Rankings។
Takahashi ឈ្នះ៩លើកក្នុងចំណោមការប្រកួត ១០ លើកចុងក្រោយ (ផ្ដួលដៃគូឲ្យសន្លប់ ១០ដងក្នុងអាជីព)។ ចំណែក Tang ឈ្នះ ៦ លើកជាប់គ្នាក្នុងការប្រកួតចុងក្រោយ ក្នុងនោះផ្ដួលដៃគូឲ្យសន្លប់ ៩ដង ក្នុងលទ្ធផលជ័យជម្នះសរុប ១១ លើក។ ក្នុងអាជីព Tang មិនដែលចាញ់ដោយសន្លប់ឡើយ។ ជ័យជម្នះរបស់ Tang អាចកើនចំណាត់ថ្នាក់នៅ ONE’s featherweight។
ចិននិងជប៉ុន ជាគូប្រជែងក្នុងកីឡាដ៏យូរលង់ណាស់មកហើយ។ ដូច្នេះ Takahashi និង Tang សម្លឹងទៅរកជ័យជម្នះត្រលប់ទៅផ្ទះវិញរៀងៗខ្លួន។
Yoshiki Nakahara & Ruslan Emilbek Uulu
គូប្រកួតទម្ងន់ featherweight នឹងធ្វើឲ្យកក្រើកនៅសង្វៀន ONE: FISTS OF FURY II ផងដែរ។
Yoshiki Nakahara ដែលជាមិត្តរួមក្រុមរបស់ Takahashi នឹងជួបកីឡាករកៀស៊ីហ្ស៊ីស្ថានចំណូលថ្មីមិនដែលចាញ់ Ruslan “Snow Leopard” Emilbek Uulu ។
កីឡាករជប៉ុនឈ្នះ ៨ លើកជាប់គ្នា ជាពិសេសបានឆក់ដែលឆក់យកចំណាត់ថ្នាក់លេខ៣ទម្ងន់ featherweight ពី Garry “The Lion Killer” Tonon កាលខែឧសភា ឆ្នាំ២០១៩។
ដោយសំណាងល្អ Nakahara បានរងរបួសជើងដែលនាំឲ្យរូបគេសម្រាកមួយរយៈ។ នេះជាការត្រលប់មកវិញរបស់ Nakahara ក្រោយជាពីរបួស។ តើកីឡាករជប៉ុនធ្វើបានល្អកម្រិតណាពេលត្រលប់មកវិញនៅទម្ងន់ featherweight?
រីឯ Uulu ក៏ត្រូវសាងកំណត់ត្រាដែរ។ ការទទួលជ័យជម្នះក្នុងការបង្ហាញខ្លួនដំបូង គឺជាការដាស់តឿនដល់អ្នកលេងទម្ងន់ featherweight ទាំងឡាយ។
Han Zi Hao & Adam Noi
នេះជាការប្រកួតក្នុងកម្មវិធីមួយថៃ ONE Super Series រវាងអតីតគូប្រជែងខ្សែក្រវាត់ ONE World Title កីឡាករ Han Zi Hao ដែលត្រូវជួបតារាទើបរះ Adam Noi។
Han ចង់បង្កើតកំណត់ត្រាថ្មីពេលប្រកួតនៅ ONE Super Series លើកទី១០។ បើសិនទទួលបានជ័យជម្នះ គេអាចឡើងទៅដណ្ដើមខ្សែក្រវាត់ ONE Bantamweight Muay Thai World Champion ពីសត្រូវចាស់ Nong-O Gaiyanghadao។
ប៉ុន្តែ បើឈ្នះដោយសន្លប់ Han នឹងកើនកំណត់ត្រាឈ្នះដោយសន្លប់ច្រើនបំផុតនៅសង្វៀន ONE Super Series ជាប្រវត្តិសាស្ត្រ ហើយអាចមានឱកាសឆ្ពោះទៅប្រកួតជាមួយ Sam-A Gaiyanghadao ដែលជាម្ចាស់ខ្សែក្រវាត់ពីរខ្សែទម្ងន់ strawweight។
មួយវិញទៀត Noi ក៏អាចបំបែកកំណត់ត្រាផ្ដួលដៃគូឲ្យសន្លប់ត្រឹម ៦ វិនាទីរបស់ Capitan Petchyindee Academy ផងដែរកាលពីខែ កញ្ញា កន្លងទៅ។ ប៉ុន្តែ បើ Noi ផ្ដួល Han បាន នោះរូបគេឈ្នះពីរលើកជាប់គ្នានៅ ONE Super Series ។
Mark Fairtex Abelardo & Emilio Urrutia
នេះជាការប្រកួតបើកឆាករបស់កីឡាករបរទេសដែលហ្វឹកហាត់នៅប្រទេសថៃ។ កីឡាករកូនកាត់ហ្វីលីពីន-គីវី Mark “Tyson” Fairtex Abelardo រងបរាជ័យពីរលើកជាប់គ្នានាពេលថ្មីៗនេះ និងការចុះចាញ់ម្ដងមិនធ្លាប់មាន។ បែបណាក្ដី គេបន្តអភិវឌ្ឍខ្លួននៅក្លិប Fairtex Training Center។
ចំណែក តារាអាមេរិក Emilio “The Honey Badger” Urrutia ក៏ចាញ់ ៣ លើកជាប់គ្នាដែរ។ ពេលនេះ គេកំពុងហ្វឹកហាត់ខ្លាំងនៅ Bangkok Fight Lab បន្ទាប់ពីទម្លាក់មកពីទម្ងន់ featherweight ទៅទម្ងន់ដើមរបស់គេវិញ។ កីឡាករទាំងពីរ មានហេតុផលរៀងៗខ្លួនដើម្បីទទួលជ័យជម្នះឡើងវិញ។ តើនរណាធ្វើបានល្អបំផុតនៅថ្ងៃស្អែកនេះ។