ក្រុម Athletic Bilbao បានយកឈ្នះលើក្រុម Levante ក្នុងលទ្ធផល ២-១ នៅជើងទី២ សរុបទាំងពីរជើង ៣-២ ឡើងវគ្គផ្ដាច់ព្រ័ត្រពានរង្វាន់ Copa del Rey បានសម្រេចហើយ។
ឡើងទៅវគ្គផ្ដាច់ព្រ័ត្រពានរង្វាន់ Cup របស់អេស្ប៉ាញនេះដែរ ក្រុម Bilbao នឹងត្រូវតតាំងជាមួយក្រុម FC Barcelona នៅវគ្គផ្ដាច់ព្រ័ត្រ។ អ្វីដែលគួរឱ្យចាប់អារម្មណ៍ថែមទៀតនោះ ក្រុមមួយនេះក៏នឹងត្រូវលេងពានរង្វាន់ Copa del Rey នេះ១ទៀតផងដែរ ដោយប៉ះជាមួយក្រុម Real Sociedad នៅមុនប៉ះជាមួយក្រុម Barcelona ។
ការប៉ះ Sociedad នេះគឺដោយសារតែឆ្នាំមុន គេលើកមកលេងនៅខែ៤ខាងមុខនេះវិញ ដោយសារមេរោគកូវីដ១៩។ ខណៈដែលប៉ះ Barcelona នឹងធ្វើឡើង២សប្ដាហ៍ក្រោយទៀតបន្ទាប់ពីប្រកួតនោះហើយ។ ដូច្នេះមានន័យថាក្រុម Bilbao នឹងលេងវគ្គផ្ដាច់ព្រ័ត្រ Copa del Rey នេះ២ដង ត្រឹមរយៈពេលតែ២សប្ដាហ៍ប៉ុណ្ណោះ៕ប្រភព Dailymail
