ក្លឹបយក្ស Sevilla ដែលបានរងបរាជ័យក្រោមថ្វីជើងរបស់ Barcelona នៅពានរង្វាន់ Copa del Rey ត្រូវបានក្រុមដឹកនាំដោយលោក Ronaldo Koeman ធ្វើការសើរើ ក្រោយពីបានបង្ហោះរូបភាពមួយសន្លឹក ដែលជារូបលក្ខណៈ Troll ទៅកាន់ក្រុមអ្នកមានបុណ្យពាក់ព័ន្ធនឹងរូបភាពដែល Gerard Pique តាមព្យាយាមទាញអាវ Kylian Mbappe ដែលកំពុងរត់នៅល្បឿនលឿន។
រូបនោះបង្ហោះចេញតាំងពីថ្ងៃទី ១៨ កុម្ភៈ ឆ្នាំ ២០២១ ដោយដាក់ពាក្យថា Sevilla ស្ថិតនៅវគ្គ ១៦ ក្រុម Champions League ហើយ Barcelona នឹងធ្លាក់ទៅលេងនៅ Europa League។ ពួកគេចង់សំដៅដល់កាលពីជើងទី ១ ដែលអ្នកមានបុណ្យចាញ់ PSG ៤-១ ហើយគ្មានឱកាសតបតនោះទេ ពោលនឹងធ្លាក់ទៅពាន UEL។
យ៉ាងណាមិញរូបភាពមួយសន្លឹកនេះត្រូវបានគណនីផ្លូវការរបស់ Barcelona ជីកកកាយមកសារជាថ្មី ហើយសរសេរ Caption បែបនេះថា៖ “បាល់ទាត់គឺទាមទារការគោរពនិងឲ្យតម្លៃ, សុបិនល្អ”។
បញ្ជាក់ថា សារនេះបានធ្វើឲ្យអ្នកគាំទ្រ Barcelona បង្ហាញការសោកស្តាយចំពោះ Sevilla ដែលអាចធ្វើបែបហ្នឹងចេញ ហើយពួកគេថានឹងចាំមើលតើក្លឹបមួយនោះអាចឆ្លងផុតថ្វីជើងរបស់ Dortmund បានដែរឬទេ ស្របពេលជើងទី ១ ចាញ់ក្លឹបអាល្លឺម៉ង់ ៣-២៕
ប្រភព៖ Marca