Moise Kean ខ្សែប្រយុទ្ធរបស់ក្រុម PSG ត្រូវបានរកឃើញថាមានវិជ្ជមានកូវីដ១៩ ដូច្នេះត្រូវសម្រាកព្យាបាលសិន មិនអាចជួយក្រុមបាននោះទេ។
ការប្រកាសរបស់ក្រុម PSG ថាខ្សែប្រយុទ្ធវ័យ២១ឆ្នាំខាងលើឆ្លងមេរោគកូវីដ១៩នេះ ធ្វើឡើងបន្ទាប់ពីរូបគេមិនអាចជួយក្រុមលេងទល់ Bordeaux ។ មួយវិញទៀត រូបគេក៏ទំនងជាមិនអាចជួយក្រុមខ្លាំងបារាំងលេងជើងទី២ទល់ក្រុម Barcelona នៅសប្ដាហ៍ក្រោយនេះបានផងដែរ។ ខណៈដែលក្រុម PSG ទាំងមូលក៏បានធ្វើតេស្ដកីឡាករខ្លួនដើម្បីស្វែងរកអ្នកឆ្លងបន្ដទៀតដែរ។
ក្រុម PSG តែងតែមានកីឡាករឆ្លងមេរោគជាប់ជានិច្ច។ យ៉ាងណាមិញ ពួកគេក៏អាចគ្រប់គ្រងស្ថានការណ៍បាន ដោយមានកីឡាករជំនួស។ សម្រាប់ការប្រកួតសំខាន់ទល់ក្រុម Barcelona ខាងមុខ ក៏ទំនងជា Neymar អាចជាសះស្បើយទាន់ពេលវេលាផងដែរ៕ប្រភព Marca