ក្រុមបិសាចក្រហម Manchester United លេងបានត្រឹមស្មើជាមួយក្រុម Crystal Palace ក្នុងលទ្ធផល ០-០ ប៉ុណ្ណោះនាការប្រកួតពានរង្វាន់ English Premier League នាយប់មិញនេះ។
ក្រុមរបស់លោក Ole ហាក់ដូចជាធ្វើមិនបានល្អទាល់តែសោះនៅ៣ប្រកួតជាប់គ្នាមកនេះ។ ដោយពួកគេលេងបានត្រឹមស្មើគូប្រកួតប៉ុណ្ណោះ និងការស្មើនោះគឺ ០-០ តែម្ដង មិនមានគ្រាប់បាល់កើតឡើងនោះទេ។ កត្ដានេះហើយ ទើបបានជាធ្វើឱ្យសមាជិកក្នុងក្រុមហាក់ដូចជាមិនសប្បាយចិត្តឡើយ។ ជាក់ស្ដែងនៅយប់មិញ Rashford បានប៉ះសម្ដីជាមួយប្រធានក្រុម Maguire ទៅទៀត។
ការប៉ះសម្ដីគ្នានេះកើតឡើង បន្ទាប់ពី Rashford ឈរនៅជំហរ Offside ។ ប្រធានក្រុម Maguire បានស្រែកដាក់ខ្សែប្រយុទ្ធវ័យក្មេងខាងលើ ហើយសម្រាប់តែ Rashford ស្រែកដាក់វិញតែម្ដង តើអ្នកចង់ឱ្យខ្ញុំធ្វើអ្វីទៀត? F***K***។ យ៉ាងណាមិញ ការជេរគ្នានេះ មិនបានបន្ដរហូតដល់មានហិង្សាអ្វីកើតឡើងនោះទេ៕ប្រភព Dailymail