• សហព័ន្ធ​បាល់ទាត់​ថៃ  ហៅ​គ្រូ​បង្វឹក U23 ​សួរ​នាំ ​រឿង​ចាញ់​នៅ Asian Game

    សហព័ន្ធ​កីឡា​បាល់ទាត់​ថៃ ​បាន​កោះ​ហៅ​លោក Worawut Namvech ​គ្រូ​បង្វឹក​ក្រុម U23 ​ថៃ ​មក​សួរ​នាំ​រឿង​ដឹក​នាំ​ក្រុម​ជម្រើស​ជាតិ​នេះ​មិន​ទទួល​បាន​លទ្ធផល​ល្អ​នៅ Asian Game ​ឆ្នាំ​នេះ។

    U23 ជម្រើស​ជាតិ​ថៃ ​បាន​ធ្លាក់​ត្រឹម​វគ្គ​ក្នុង​ពូល ​នៅ​ព្រឹត្តិការណ៍ Asian Game ​នា​ប្រទេស​ឥណ្ឌូណេស៊ី ​ដោយ​ឆ្លង​កាត់​៣​ប្រកួត ​ស្មើ​២​និង​ចាញ់​១។ ការ​ធ្លាក់​នេះ​ទៀត​សោត គឺ​ជា​ការ​លេង​អន់​បំផុត​របស់​ថៃ ​ក្នុង​រយៈ​ពេល​២០​ឆ្នាំ​ចុង​ក្រោយ​នេះ ​ខណៈ​ដែល​ពួកគេ​តែងតែ​ធ្វើ​បាន​ល្អ​ជា​និច្ច​នៅ​ព្រឹត្តិការណ៍​អន្តរជាតិ​លើ​ថ្នាល​យុវជន។

    ដោយសារ​តែ​​ដូច្នេះ​ហើយ ​ ទើប​បាន​ជា​លោក Somyot Pumpanmuang ​ប្រធាន​សហព័ន្ធ​បាល់ទាត់​ថៃ​បាន​កោះ​ហៅ​គ្រូ​បង្វឹក U23 ​របស់​ខ្លួន ​មក​សួរ​នាំ ​និង​ឱ្យ​ពន្យល់​ពី​ការ​ប្រកួត​​ដែល​ពួកគេ​ធ្វើ​មិន​បាន​ល្អ​នេះ។ លោក  Worawut ​ដែល​ជា​គ្រូ​បង្វឹក​ក្រុម U23 ​បាន​និយាយ​ថា​៖“ខ្ញុំ​សូម​ទោស​ចំពោះ​អ្នក​ស្នេហា​វិស័យ​កីឡា​បាល់ទាត់​ថៃ​ទាំង​អស់ ដែល​ខ្ញុំ​បាន​ធ្វើ​ឱ្យ​អស់​សង្ឃឹម។ យើង​បាន​ព្យាយាម​អស់​ពី​សមត្ថភាព​ហើយ”៕

     

     

    ភ្ជាប់ទំនាក់ទំនងជាមួយ CTS SPORT