ខ្សែប្រយុទ្ធ Zlatan Ibrahimovic ថាខ្លួនមិនមានបញ្ហាជាមួយកីឡករ Lukaku នោះទេ បើទោះជាធ្លាប់ប្រើពាក្យធ្ងន់ៗដាក់គ្នាកាលពីពេលកន្លងទៅក៏ដោយ។
Zlatan បានប៉ះសម្ដីគ្នារហូតដល់ជល់ក្បាលគ្នា ក្នុងការប្រកួតនៅពានរង្វាន់ Coppa Italia ។ យ៉ាងណាមិញ ទំនាក់ទំនងរវាងអ្នកទាំងពីរខាងលើនេះ ត្រូវបានខ្សែប្រយុទ្ធក្រុម AC Milan បញ្ជាក់ថាមិនមានបញ្ហាអ្វីនោះទេ។ ផ្ទុយទៅវិញ មិត្តរួមក្រុមជាមួយគ្នានៅ Man Utd រូបនេះ ថែមទាំងចង់អញ្ជើញ Lukaku ទៅស្ដាប់គេច្រៀងចម្រៀងនៅកម្មវិធី Sanremo music festival ថែមទៀតផង។
រំលឹកថានារដូវកាលនេះ Lukaku ក៏ដូចជា Zlatan សុទ្ធតែលេងបានល្អដូចគ្នា។ ខ្សែប្រយុទ្ធបែលហ្សិកបានជួយ Inter Milan ឈរកំពូលតារាង ស្របពេលខ្សែប្រយុទ្ធស៊ុយអែតវិញ ជួយក្រុមឈរនៅលេខ២ក្នុងតារាង Serie A ៕
ប្រភព៖ DailyMail