នៅការប្រកួតវគ្គ ៨ ក្រុមចុងក្រោយដែលប្រកួតមួយជើងយកចាញ់ឈ្នះ រវាងក្រុម Borussia Monchengladbaach ទល់ Borussia Dortmund នៅឯព្រឹត្តិការណ៍ DFB-Pokal ទីបំផុតយើងសម្រេចរកឃើញក្រុមឡើងទៅវគ្គបន្តហើយ នោះគឺ Dortmund ក្រោយយកឈ្នះ ១-០។
នៅការប្រកួតដ៏ស្វិតស្វាញនោះ Monchengladbach មានឱកាសស៊ុតដល់ទៅ ១៦ លើក ចំគោលដៅ ៥ លើក ហើយគ្រប់គ្រងបាល់ក៏ច្រើនជាងមានដល់ទៅ ៥៤ ភាគរយ និងអត្រាបញ្ជូនបាល់ជោគជ័យ ៨២ ភាគរយ។
ធៀបនឹង Dortmund ស៊ុត ១៣ លើក ចំគោលដៅតែ ២ លើកគត់ ហើយគ្រប់គ្រងបាល់ ៤៦ ភាគរយ និងអត្រាបញ្ជូនបាល់ជោគជ័យ ៧៩ ភាគរយ។ យ៉ាងណាបានសំណាងគ្រាប់បាល់របស់ Jadon Sancho ដែលធ្វើបាននៅនាទី ៦៦ ហើយរក្សាលទ្ធផលដល់បញ្ចប់ការប្រកួត។ ប៉ុន្តែសមាជិករបស់ Dortmund មួយរូប ក៏រងពិន័យកាតក្រហមចុងម៉ោងផងដែរ នោះគឺ Mahmoud Dahoud។
ទស្សនាវីដេអូខាងក្រោម៖
បញ្ជាក់ថានៅរាត្រីនេះមានការប្រកួត ២ គូផ្សេងទៀត គឺរវាងក្រុម Essen និង Holstein Kiel ក៏ដូចជា RB Leipzig ទល់ក្រុម Wolfsburg៕