ក្រុមមេឃខៀវ Manchester City បានបន្តរកឃើញជ័យជម្នះនៅប្រកួតទី ២១ នៅគ្រប់ក្របខ័ណ្ឌទាំងអស់កាលពីយប់មិញ តាមរយៈការយកឈ្នះ ៤-១ ទៅលើក្រុមចចក Wolves។
ការយកបាន ៣ ពិន្ទុនាំឲ្យក្រុមដឹកនាំដោយលោក Pep Guardiola រំកិលឡើង ៦៥ ពិន្ទុ នាំមុខដាច់ ១៥ ពិន្ទុធៀបនឹងក្រុមបិសាចក្រហម Man Utd (សល់ ១ ប្រកួត)។ ស្របពេលដែល Wolves បានធ្លាក់មកដល់លេខ ១២ មាន ៣៤ ពិន្ទុ។
ទៅមើលស្ថិតិប្រកួតបន្តិចដោយ City លេងបានល្អខ្លាំង តាមរយៈការបញ្ជូនបាល់ចេញពីជើង ៧៩៨ លើក ហើយអត្រាបញ្ជូនបាល់ជោគជ័យមានដល់ ៩២ ភាគរយ។ ពួកគេបង្កើតឱកាសស៊ុតបាន ២២ លើក ចំគោលដៅ ១០ លើក ដោយរកបាន ៤ គ្រាប់តាមរយៈការស៊ុតរបស់ Gabriel Jesus ២ គ្រាប់ម្នាក់ឯង Riyad Mahrez មួយគ្រាប់ និងចំណេញបាល់ Own Goal ពី Leander Dendoncker មួយគ្រាប់ផ្សេងទៀត ខណៈដែល Wolves រកបានមួយគ្រាប់ដោយ Conor Coady៕
ទស្សនាវីដេអូខាងក្រោម៖