តារាឆ្នើម Kylian Mbappe នឹងអាចឈានដល់កម្រិតរបស់ Cristiano Ronaldo ក៏ដូចជា Lionel Messi បាន ប៉ុន្តែសព្វថ្ងៃគឺទាមទារពេលវេលាដើម្បីបង្ហាញចម្លើយ។ នេះបើតាមការបកស្រាយពីអ្នកចាត់ការក្លឹប PSG ផ្ទាល់គឺលោក Mauricio Pochettino។
Kylian Mbappe
Mbappe គេទើបតែរកបាន Hat-Trick នៅ Camp Nou ហើយធ្វើឲ្យមានការភ្ញាក់ផ្អើលជាខ្លាំង ខណៈក្នុងអាជីពរយៈពេលជាង ៧ ឆ្នាំ រាប់ទាំងនៅថ្នាលយុវជនគឺគេរកបាន ១៤៣ គ្រាប់ Assist ៧៧ លើកនៅការបង្ហាញខ្លួន ២១៨ ប្រកួតសរុប។
ថ្មីៗនេះមានការសួរនាំពីសារព័ត៌មាន AFP ថាតើ Mbappe អាចជោគជ័យដូច Messi/Ronaldo បានឬអត់? បុរសសញ្ជាតិអាហ្សង់ទីននិយាយថា៖ “គេមានឥទ្ធិពលដែលអាចសម្រេចទៅបាន ហើយគេមិនខ្វះខាតអ្វីនោះទេ ពោលគឺត្រូវការតែពេលវេលាមួយគត់”។
Mauricio Pochettino
លោកបន្ថែមថា៖ “យើងមិនអាចពន្លឿនល្បឿននៃការដំណើរការនេះបានឡើយ ដោយខ្ញុំគិតថា Mbappe សព្វថ្ងៃគេស្ថិតក្នុងចំណោមកីឡាករល្អបំផុតបណ្តើរៗហើយ តែត្រូវការពេលវេលាដើម្បីធ្វើឲ្យ CV របស់គេកាន់តែមានន័យ និងមានរបៀបរៀបរយតាមរយៈការឈ្នះពានជោគជ័យផ្សេងៗ”៕
ប្រភព៖ Goal