អ្នកចាត់ការក្រុមមេឃខៀវ Manchester City លោក Pep Guardiola ដែលទើបដឹកនាំក្រុមឈ្នះ ២១ ប្រកួតជាប់គ្នា ក្រោយយកឈ្នះ West Ham កាលពីថ្ងៃមុន បាននិយាយថាក្រុមដែលល្អបំផុតក្នុងលោកបច្ចុប្បន្នគឺជា Bayern Munich។
ជាការពិត Pep ធ្លាប់ដឹកនាំនៅក្លឹប Barcelona ហើយឈ្នះពាននៅទីនោះច្រើនដែរ រីឯ Bayern ក៏ប្រហែលគ្នា និងចុងក្រោយនេះឈរជើងនៅក្លឹបអង់គ្លេស Man City។ យ៉ាងណាតាមការយល់ឃើញ អ្នកចាត់ការសញ្ជាតិអេស្ប៉ាញជឿថា Bayern គឺល្អបំផុតក្នុងលោក។
ប្រាប់សារព័ត៌មានលោក Pep និយាយ៖ “ក្រុមល្អបំផុតនៅអឺរ៉ុបគឺជា Bayern Munich ព្រោះពួកគេបានឈ្នះពានរង្វាន់ទាំងអស់ ហើយនៅអង់គ្លេសគឺ Liverpool ព្រោះពួកគេជាក្រុមល្អ ហើយបើចង់មើលក្រុមដែលអាចឈ្នះពាន ត្រឹមខែមិនានេះ មិនទាន់អាចដឹងនោះទេ”។
បញ្ជាក់ដែរថាក្រុមអាល្លឺម៉ង់ Bayern Munich បានឈ្នះពនរង្វាន់ដល់ទៅ ៦ នៅរយៈពេលចុងក្រោយ មានដូចជា Bundesliga, Champions League, Club World Cup, UEFA Super Cup និងពានក្នុងស្រុក DFB-Pokal ក៏ដូចជា DFL-Supercup៕ ប្រភព៖ Goal