ក្រុមហង្សក្រហម Liverpool បានត្រៀមប្រាក់រហូតដល់ទៅ៣០លានផោន ដើម្បីទិញយក Rodrigo De Paul របស់ក្រុម Udinese នារដូវក្ដៅខាងមុខនេះ។
កីឡាករវ័យ២៦ឆ្នាំខាងលើនេះ ត្រូវបានក្រុម Liverpool សម្លឹងឃើញទិញយកមកជំនួសកីឡាករ Georginio Wijnaldum ដែលតាមគម្រោងនឹងចាកចេញពីក្រុមនាចប់រដូវកាលនេះ។ ខ្សែបម្រើអាហ្សង់ទីនរូបនេះ បានបង្ហាញទម្រង់លេងល្អមែនទែននារដូវកាលនេះ ជាមួយក្រុម Udinese ក្នុងលីគអ៊ីតាលី។ ដោយក្លឹបក៏បានបញ្ជាក់ថាពួកគេទំនងជាលក់កីឡាករឆ្នើមរបស់ខ្លួនចេញនាចប់រដូវកាលនេះដែរ ដោយតម្លៃអាចដល់៣០លានផោន។
ដោយស្ថិតក្នុងការចរចា ក្រុមភ្នាក់ងាររបស់ Liverpool បានដាក់តម្លៃត្រឹម២៦លានផោនសិន ដើម្បីឱ្យក្លឹបនៅអ៊ីតាលីពិចារណា។ ក្រុម Inter Milan ក៏មានចំណាប់អារម្មណ៍លើកីឡាករ Rodrigo ខាងលើនេះផងដែរ ប៉ុន្តែមិនទាន់បានទាក់ទងស្នើចំនួនប្រាក់ដើម្បីទិញនោះទេ៕
ប្រភព៖DailyMail