ក្រុម Real Madrid លេងបានត្រឹមស្មើជាមួយក្រុម Real Sociedad ក្នុងលទ្ធផល ១-១ ប៉ុណ្ណោះក្នុងការប្រកួតពានរង្វាន់ La Liga នៅយប់មិញ។
លទ្ធផលស្មើគ្នានេះ ត្រូវបានលោក Zidane មើលឃើញថាដោយសារតែលោកបានផ្លាស់ប្ដូរបច្ចេកទេសនៅដើមតង់ទី២ ទើបបណ្ដាលឱ្យក្រុម Real Madrid មិនអាចទទួលបាន៣ពិន្ទុ។ លោកថា ការផ្លាស់ប្ដូរកីឡាករតំបន់ប្រយុទ្ធដល់ទៅ៣នាក់នោះ ទំនងជាធ្វើឱ្យក្រុម Real Madrid ទៅជាពិបាកក្នុងការលេងទៅវិញទេ មិនបានល្អប្រសើរតាមការគ្រោងទុកឡើយ។
អ្នកចាត់ការបារាំងបាននិយាយបែបនេះទៀតថា៖ “ខ្ញុំបានប្ដូរ ព្រោះខ្ញុំមិនសប្បាយចិត្តជាមួយការដណ្ដើមបាល់របស់ក្រុមយើង។ យើងត្រូវតែផ្លាស់ប្ដូរ ព្រោះបន្ទាប់ពី១ម៉ោងមក ក្រុមយើងបានបង្ហាញការនឿយហត់ ទើបយើងត្រូវប្ដូរ។ តែការប្ដូររបស់ខ្ញុំ បានធ្វើឱ្យក្រុមយើងឈឺចាប់ទៅវិញ”៕
ប្រភព៖ Goal